" ယစ်မူးတစ္ဆေ "

ငါ့ရင်ထဲစီးဆင်းသွားတဲ့

အလွမ်းပူပူတစ်ခွက်က

ငါ့အသိဥာဏ်တွေ ဝေဝါးဖို့

လုံလောက်ခဲ့တယ်

ရှေ့ကလမ်းမီးတိုင်တချို့တောင်

ကခြေသည်တယောက်ရဲ့ ခြေလှမ်းတွေနဲ့

စည်းချက်ညီစွာ

တစ်ခွက်ပြီးတစ်ခွက် ကလို့ .....

တိတ်ဆိတ်လွန်းတဲ့ အဲဒီညထဲ

လမ်းမတွေက လမ်းသွယ်တွေကြား

ငိုက်မြည်းတယ်

အိပ်မက်တွေက

သတိရခြင်းပင်လယ်မှာ ရွက်လွှင့်တယ်

သစ်ပင်တွေက ကျေးငှက်တို့ရင်ခွင်မှာ

ကြည်နူးနေတာများ

တခါတခါ သစ်ရွက်စကားသံတွေတောင်

ကြားရသေး .....

ချစ်သူရေ

ဒီတစ်ညတော့ တိုးတိုးလေပဲ နမ်းခဲ့ပါရစေကွယ်

ရှေ့ကမြို့လေးအိပ်မောကျနေလို့ပါ .....။ 

(၂၀၁၀ ကရေးဖြစ်တဲ့ကဗျာလေးပါ )

" အဖော် "

အိပ်မက်တွေကို

အကောင်အထည်ဖေါ်ဖို့

ငါတို့

လက်တွေ့ဘဝထဲကို ခုန်ဆင်းခဲ့တယ်

တွဲထားတဲ့ ဒို့လက်အစုံ

သံသရာအဆုံးထိမြဲစေပေါ့…..။

ကြမ်းတမ်းတဲ့လောကဓံ ဆူးခလုတ်တွေဟာလဲ

ငါတို့ဖဝါးအောက်က မြူမှုံတစ်စလောက်ပဲရှိတာပါ

တစ်ယောက်ရဲ့အပြစ်ကို တစ်ယောက်ကခွင့်လွှတ်လို့

ငါတို့ဟာ

လက်တွဲဖော်ကောင်းတွေ

ဖြစ်တန်ကောင်းရဲ့….။

ချစ်သူ

မင်းရဲ့ချစ်ခြင်းတရားနဲ့ ငါ့ဥယျာဉ်မှာ

ပန်းတွေပွင့်မယ်…..။


( ၂၀၀၇ အမှတ်တရ)

" ရင်ခွင်ပြတိုက် "

ကောင်မလေးရေ

တစ်ချိန်တုံးကပေါ့ အချစ်ဆိုတာမသိ

လှပခြင်းတွေမရှိတဲ့ ငါ့ဘဝမှာ

ဓနဆိုတာတွေလဲနတ္ထိပါ  ….. ။  

နောက်ပြီး

မိုက်မဲခြင်းကိုမိတ်ဖွဲ့ စိတ်ပျက်မိတဲ့အချိန်အားလုံးကို

အိမ်အပြင်မောင်းထုတ်ပြီး

လမ်းပေါ်မှာသဝေထိုးတတ်တဲ့

တေလေဂျပိုးတစ်ယောက်လဲ ဖြစ်ဖူးပါတယ်….။
 

မင်းနဲ့တွေ့မိတဲ့အခုအချိန်မှာတော့

ရှိသမျှအချိန်တွေကိုကြိုးတုပ်

လှုပ်မရအောင်ခြေထောက်နဲ့နင်းပြီး

မင်းဘေးနားမှာထာဝရရှိနေချင်တာ

ဘာကြောင့်လဲကွယ်….။
 

ကာရံမဲ့တမ်းချင်းအသစ်တွေနဲ့

အပြင်းစားဝေဒနာတွေကိုစုတ်ခြစ်လို့

နှလုံးသားမှာပုံရိပ်ထင်

အလွမ်းဆိုတာဖြစ်ကြသတဲ့လား…။
 

အခုတော့

ကြေကွဲခြင်းငါ့ရင်ခွင်ပြတိုက်မှာ

ဒဏ်ရာတွေနဲ့သွန်းလောင်းထားတဲ့

မင်းပေးတဲ့အဲဒီအလွမ်းတွေကိုထုဆစ်

အချစ်ဆိုတဲ့ရုပ်ကြွင်းတစ်ခု

သက်ဝင်လှုပ်ရှားနေလေရဲ့……………..။ 

( 2002 ခုနှစ်က ရေးဖြစ်တဲ့ ကဗျာဟောင်းလေးပါ )

 

" ရင်ကွဲအလွမ်း "

♥♥ တိတ်တိတကလေးဆိုပေမဲ့

အလွမ်းကောင်းကင်တစ်ခုလုံး

ငါ့ရင်ထဲ ပြိုဆင်းခဲ့တာပါ…

♥♥ ခံနိုင်ရည်တွေ ပျောက်ရှ

ရင်တစ်ခွင်လုံးဗြောင်းဆန်လို့

ငါဟာ

အမှောင်ထဲက မျက်ကန်းတစ်ယောက်ပေါ့ ……. ။

♥♥ အမေရေ

အဲဒီတံခါးတွေ လော့ခ်ချပေးပါ

ကျွန်တော်အိပ်တော့မယ်……။

♥♥ သစ်နိုင်ပါဦးမလား

အဲဒီအာရုဏ်ဦးတွေ

ရင်ခွင်ဗလာနဲ့ ငါ့အတွက်တော့

အရာရာတိုင်းဟာ

အလွမ်းရောင်သမ်းနေမှာပါပဲ……

♥♥ ငါ့အခန်းထဲက ပြေးထွက်သွားကြတဲ့

အဲဒီမီးခိုးငွေ့တွေကိုငေးရင်း

တစ်လိပ်ပြီး တစ်လိပ်

တစ်ရှိုက်ပြီး တစ်ရှိုက်

ပြူတင်းပေါက်က အလင်းရောင်တွေ

ငါ့ကိုလာနှုတ်ဆက်တော့မှ

ငါ ပစ္စုပ္ပန်ဘဝထဲပြန်ရောက်ခဲ့တယ်….

♥♥ အင်း…..အမေရေ

ဒီတစ်ညလဲ ကျွန်တော်မအိပ်ဖြစ်ပြန်ဘူး…………..။ 

" အားမာန် "

ချစ်သူ 

ငါတို့ကပြဖျော်ဖြေနေတဲ့ ဒီဘဝဇာတ်ခုံပေါ်မှာ

ငါဟာမင်းသားဆိုရင် မင်းကလဲမင်းသမီးပါပဲ….

တစ်ခါတစ်လေ ငိုရမယ်    တစ်ခါတစ်လေ ရယ်ရမယ်

တစ်ခါတစ်လေ စိတ်ညစ်ရမယ်   တစ်ခါတစ်လေ

ပျော်ရွှင်းခြင်းတွေကိုစားသုံးမယ်….

တစ်ယောက်လဲကျရင်    တစ်ယောက်ကဖေးထူလို့

ငါတို့ဟာ

တစ်လှေထဲသွားခရီးသည်တွေပေါ့…

လာကြစမ်းပါ

လောကဓံရဲ့စိန်ခေါ်မှုတွေ

ငါ့ချစ်ခြင်းတရားနဲ့တွန်းလှန်ရင်း

အဲဒီဒုက္ခပင်လယ်ကို

ယုံကြည်ချက်တွေနဲ့ ရွက်လွှင့်မယ်…..

ချစ်သူ
 

လိုက်ရဲပါ့မလား

ငါတို့ရဲ့မျှော်လင့်ချက်တွေပြီးပြည့်စုံဖို့

ဆူးတောင်တွေကို ကျော်ချင်ကျော်ရမယ်

ကံကြမ္မာရဲ့ထိုးနှက်ချက်တွေအောက်မှာလဲ

အလဲအကွဲကျရှုံးနိုင်သေးတယ်…..။

ဘာပဲဖြစ်ဖြစ်

ငါတို့ရဲ့ချစ်ခြင်းတရားကို

ယုံကြည်ကြိုးစားမှုတွေနဲ့ပေါင်းစပ်ပြီး

ငါတို့ရဲ့ပန်းတိုင်ကို အရောက်လှမ်းကြမယ်……။

(၂၀၀၇ အမှတ်တရများ) 

" ကျွန်တော် "

တခါတခါ နေ့ခင်းကြောင်တောင်
 

ကျွန်တော်တို့ အိပ်မက်တွေမက်ကြရသည်
 

တခါတခါ ညမှောင်မှောင်မှာလဲ
 

တလောကလုံး လင်းကြရပါသည်။

 

စိတ်ဆိုတာ ပြတင်းတချပ်တဲ့
 

သေချာဖွင့်ကြည့်ပြန်တော့လဲ
 

ပြေးလွှားနေတဲ့အရိပ်တွေကလွဲရင်
 

ကျနော်ဘာမှမတွေ့ရပါ။

 

ကျနော်သည် အခြားသူများရဲ့
 

မြင်ကွင်းတခုမျှသာဖြစ်ပါသည်။

 

အိပ်မက်တွေကျဲဖြန့်ထားတဲ့ အနာဂတ်တခု
 

ခံစာမှုတွေထုပ်ပိုးထားတဲ့ ရင်တစ်စုံ
 

ကိုယ့်အယူအဆနဲ့ကိုယ် နေတတ်ရမယ်ဆိုတဲ့
 

အတွေးအခေါ်ခပ်သေးသေးလေးကလွဲရင်
 

ကျနော့်တွင် ဘာမှမပိုင်ဆိုင်ပါ။

 

မသိသေးတာတွေသိဖို့
 

လူတွေကြားထဲမှာ လူတွေလိုမနေတတ်ဖို့
 

ကျွန်တော် တော်တော်ကြိုးစားရပါအုံးမည်။

 

ခင်ဗျားတို့စကားတွေကို နားလည်တတ်ဖို့
 

ကိုယ့်ကိုယ်ကိုမမြင်နိုင်တဲ့နေရာအထိ ရောက်အောင်သွားဖို့
 

အရူးတယောက်ရဲ့ တွေးခေါ်မှုမျိုးတွေကိုရဖို့
 

ကျနော် တော်တော်ကြီးကို လုပ်ယူရပါအုံးမည်။

" အိမွန်သို့စာတစ်စောင် "

ခရီးတွေ တသော့သော့နှင်နေပေမဲ့
 

တခါရွှေ့ရင် ခြေတလှမ်းစာပဲ ရွေ့တယ်
 

အလွမ်းတွေ ခဏခဏပွင့်ဖူးတာကျတော့
 

ဘာ့ကြောင့် အချိန်တိုင်းဖြစ်နေရတာလဲ ...

 

နင့်ကိုလွမ်းရင် အိမ်ရှေ့လမ်းမပေါ်
 

ကောင်းကင်တွေ ကြွေကြွေကျတယ်
 

တော်ပီ စမ်းတဝါးဝါး မမက်တော့ဘူး
 

အဲဒီ အိပ်မက်တွေ ရာသီစာဖြစ်နေတာကိုက
 

ငါတို့ မိုးတွေခေါင်နေကြရတာ...

 

တကိုယ်ရေစာ ကြပ်တည်းမှုက
 

မင်းရင်ကို ရောင်ပြန်ဟပ်စေတယ်ဆိုရင်
 

ဟိုးးးး ခပ်ဝေးဝးမှာ ငါ့ဂစ်တာအိုလေး ထားခဲ့မယ်
 

ငါ့ကိုသတိရတဲ့အခါ သီချင်းတွေဆိုညည်းပေါ့ ....

 

ညနေတွေ ဖရိုဖရဲ အိပ်တန်းတက်ကြပြန်အုံးမယ် အိမွန်ရေ
 

နင့်ကိုချစ်ရတဲ့ ပုံပြင်တွေ ရှည်လျားလွန်းလို့
 

ငါ့ ပြတင်းတံခါးတွေကို စကားသင်ပေးနေတယ်
 

ငါကတော့ ကောင်းကင်တခွက်စာလောက်
 

ကြိတ်မှိတ်မျိုချရင်း
 

နင်ဖန်ဆင်းတဲ့ ညထဲ ခဏလောက် ပျော်ဝင်လိုက်အုံးမယ် ..။

" သူငယ်ချင်းသို့ဖွင့်ဟခြင်း "

တိုးလို့တွဲလောင်း သက်ပျင်းတွေနဲ့ပဲ

ငါ့ ညတွေ

နောက်ဆံတင်းခဲ့ရပေါင်းများပြီ မိမှို ...။

" အချစ် " ဆိုတာကို 

နင် ဘယ်လိုနားလည်လဲတော့ မသိဘူး

ငါ့မှာတော့

သူ့ကိုတမ်းတရတဲ့ ဇာတ်တွေက

ဘယ်အိပ်မက်မှာမှ

ဇာတ်သိမ်းခန်း မရောက်ခဲ့ဘူးလေ ...။

ချစ်သူရှေ့မှာ ကျပြလို့ မဖြစ်တဲ့ မျက်ရည်တွေကို 

သူငယ်ချင်းရဲ့ ပခုံးထက်မှာ စွန်းထင်းခွင့် ရှိတယ်ဆိုရင်

ငါ့ကို

ဖြည်းဖြည်းလေး ဖက်ထားစမ်းပါဟာ

နင့် ရင်ခွင်ထဲမှာပဲ  .....  ငါ   

ရိုးရိုးသားသား ငိုကြွေးပစ်လိုက်ချင်လို့ပါ .....။

သူ့ဘာသာနေသားကျနေတဲ့ ညတွေက

ငါ့ကြောင့်ပဲ ပိုမှောင်လာသလားတော့ မသိဘူး

ငါ့   အခန်းထဲမှာ

ကောင်းကင်တွေကိုက .... မဲ လို့ ...။

 " ပျော်အောင် အိပ်ပါ " တဲ့

ဘဝကိုက မနူးညံ့တဲ့အခါ

ညတွေလဲ မလတ်ဆတ်ဘူး မိမှိုရေ

ရင်ဘတ်တွေကို ချခင်းကြည့်တော့

ခံစားမှုတွေက   ပုတ်သိုးနေတယ်

ဒီလိုနဲ့ပဲ

အနံ့တထောင်းထောင်း အလွမ်းတွေက

သူ ရှိရာအရပ်ကိုပဲ ဦးတည်နေပြန်သေးတယ်

ဟဟဟ ... လို့တောင် မရယ်နိုင်တော့ဘူးဟာ .....။ 

မိမှိုရေ

" အချစ် " ဆိုတာကို ခံစားနိုင်လို့

ငါ့ရင်ဘတ်ကို နင် မြင်သေးတယ်ဆိုရင်

သူ့ကိုတွေ့တဲ့အခါ ပြောလိုက်ပါ 

အချိန်ရောက်လို့ လမ်းခွဲခဲ့မယ် ဆိုရင်တောင်

ပြုံးပြုံးလေးပဲ ငါ နေခဲ့ပါ့မယ်

ဒါပေမဲ့

" နှလုံးသားကြားက ခိုးကြည့်ခွင့်လေးတော့ ချန်ထားပေးခဲ့ပါ " လို့ ...။

" သေတမ်းစာ "

အချစ်ရေ

ဘဝခါးခါးတွေကို သောက်သုံးမိတဲ့အခါ

ရင်ဘတ်တွေက ငရုပ်ကောင်းလို ဖြစ်ရတယ်

ပူလဲပူတယ် စပ်လဲစပ်တယ် ....

အိပ်မက်တွေ အခြောက်တိုက်နေပူနေမှာစိုးလို့

ငါ့ကို ထီးတလက်လောက် ပေးစမ်းပါ

မင်းရင်ခွင်ရိပ်တွေ ထိုးကျမလာခင်

လောကကို       ငါ

ခပ်ပါးပါးလေး ဖုံးအုပ်ပေးထားချင်လို့ ....

 ရိုးရိုးသားသား လွမ်းလို့ ရပါလျှက်နဲ့

ငါကလဲ ရေခဲစိမ်ခံစားမှုကိုမှ နှစ်သက်မိရတယ်လို့

ဆိုးလိုက်တဲ့ ဘဝ .....

ကဲ အချစ်ရေ

မသေချာခြင်းတွေကို သေချာအောင်လုပ်ဖို့လောက်အထိ

ငါတို့ မရူးကြသေးမဲ့အတူတူ

ကောင်းကင်းတွေအကြောင်း ကျေးငှက်တွေကို ပြောပြမနေပါတော့နဲ့

စမ်းချောင်းတွေရဲ့ စီးဆင်းရတဲ့ဒုက္ခကို

မြစ်တွေမှ မသိပဲလေ

ပင်လယ်လဲ မငိုလောက်ပါဘူး ..

ရိုးရိုးလေးတွေးရင်းနဲ့

အလွမ်းတွေအကြောင်း စာရေးဖြစ်တဲ့အခါ

ငါ့ဂစ်တာက သီချင်းဆိုတယ် ....

လမ်းဆုံးရောက်တဲ့အခါ

မင်းလှည့်ကြည့်လို့မှ ငါ့ကိုမတွေ့တော့ရင်

အဲဒီသီချင်းသံတွေ အလိုလိုသေဆုံးသွားကြလိမ့်မယ်

မငိုကြွေးပဲ ဆက်လျှောက်သွားလိုက်ပါ

ရှေ့မှာ

မင်းအတွက် လောကနိဗ္ဗာန်ရှိတယ်

ပျော် .. ပါ .. စေ.. အချစ်ရယ်...။

" သူရူးမှတ်တမ်း "

ဂစ်တာနံပါတ်တစ်ကြိုး ပြတ်တောက်သွားသလိုမျိုး

အသံသာမြည်တယ် စူးရှမှုမရှိတော့သော နှလုံးသားတစ်ခုအကြောင်း

သင့်ခေါင်းထဲမှာ ရှိနေဖို့ မလိုတော့ပါဘူး

တန်ဖိုးဆိုတာ

မိန်းမတစ်ယောက်အတွက် အပျိုစင်ဘဝတဲ့

ကဗျာဆရာတစ်ယောက်အတွက် ကာရံနဲ့ သံစဉ်တွေ

ပန်းချီဆရာတစ်ယောက်အတွက် မျဉ်းတွေ အရောင်တွေ စုတ်ချက်တွေ

ကလေးတစ်ယောက်အတွက် ကျောင်းပညာ

ဆရာဝန်တစ်ယောက်အတွက် ဘွဲ့လက်မှတ်တွေ

လမ်းဘေးက လူတစ်ယောက်အတွက် နေစရာအိမ်တစ်လုံး

စစ်တပ်အတွက် အာဏာနဲ့လက်နက်

သီချင်းရေးဆရာအတွက် နှလုံးသားရဲ့ ဒဏ်ချက်တွေ

ထောင်ကျနေသူအတွက် လွတ်လပ်မှု

အရူးတစ်ယောက်အတွက် ခေါင်းထက်က ပန်းတစ်ပွင့်

ပွဲစားတစ်ယောက်အတွက် ပါးစပ်ထဲက လေ

နေပူထဲကလူအတွက် ထီးတစ်လက်

ဆင်းရဲသားတစ်ယောက်အတွက် ငွေးကြေးအမြတ်

အဲဒီလို အမြင်တွေ မတူတတ်တာ သင်သိပါသလား

သင်မသိဘူးလား

စကားတွေဟာ လမ်းကြောင်း မှားလာတယ်

သူပြောတာ ကိုယ်နားမလည်

ကိုယ်ပြောတာ သူနားမလည်

နားမလည်နိုင်တာ ပြဿနာတွေရဲ့ ဇစ်မြစ်

ကျွန်တော်တို့ စိတ်တွေညစ်ကြရတယ်

ဒီလိုပါမိတ်ဆွေ

ကျေးဇူးပြုပြီး

အချစ်ဆိုတဲ့ စကားလုံးသက်သက် နှစ်လုံးအတွက်

တန်ဖိုးတွေကို ရောယှက်မပစ်လိုက်ကြပါနဲ့။

(ကျနော်ကိုယ်တိုင်းရေးမဟုတ်ပါ။ သူငယ်ချင်းမလေးတယောက်ရဲ့ကဗျာကို ပြန်လည်ဝေမျှခြင်းဖြစ်ပါသည်။)

" ရှက်ရွံ့မှု (သို့) ဒေါသ "

ကောင်မလေးရေ

အချစ်ဆိုတာ နားလည်မှုတစ်ခုသာဆိုရင်

မင်းငါ့ကို နဲနဲလေးမှ မချစ်ခဲ့ဘူးပဲ ...။

ငါ့စာမျက်နှာတွေကိုဖတ်ဖို့

မင်းမှာ ဒီနေ့အထိ

ဘာသာစကားတွေ မရှိခဲ့ဘူးနော် ...။

ငါ့ကို မလိုအပ်တော့ဘူးဆိုရင်လဲ

အကြည့်စိမ်းစိမ်းတချက်လောက်နဲ့တင်

ကျောခိုင်းပေးထားလိုက်ပါမယ်

အများကြီးပြောမနေပါနဲ့တော့

မင်းစိတ်ညစ်နေရမှာစိုးလို့ပါ ...။

ငါဟာ သိမ်ငယ်တတ်သူတော့မဟုတ်ခဲ့ပါဘူး

ဒါပေမဲ့

မင်းရဲ့စကားတစ်ခွန်းထဲကြောင့်

အဲဒီနေ့က

ကိုယ့်တရပ်စာကိုယ်တောင် ခေါင်းမဖော်နိုင်ခဲ့ဘူး

ဘာတဲ့

"ညီမလေးစဉ်းစားစရာတွေရှိလာတယ်" တဲ့

ဟဟဟ .. ဟဟဟဟ .. ဟဟဟ.

အကြိမ်ကြိမ် ငါ ရယ်ပစ်လိုက်ပါတယ်

ဒါပေမဲ့

ဘာအသံမှ ထွက်မလာပါများတော့

ရင်ဘတ်တွေပဲ နာနာလာတယ်ကွာ ...။

ဒုက္ခဆိုတာ

နေ့စဉ် သွားလာနေကြတဲ့လူတွေမှန်း ငါသိပါတယ်

အဲဒါကို ကြောက်လဲမကြောက်ခဲ့ဖူးပါဘူး

ဒါပေမဲ့    .........  အခုတော့

ငါ့ကိုယ်ငါ လန့်လာတယ်

ဘာလို့လဲဆိုရင်

ငါ့ရင်ဘတ်က မင်းကို

ငါထင်ထားတာထက် ပိုလေးနက်နေမှန်း သိလိုက်ရလို့ပဲ ...။

တော်ပါပီ ကောင်မလေးရေ

ငါ့ရင်ဘတ်ကို ကြည့်ပြီး

ပွင့်လင်းမှုတွေ မင်း အန်ချလာနိုင်တဲ့တနေ့ကျမှပဲ

မင်းရှေ့ကို ငါ ရောက်လာပါရစေတော့

မင်းစိတ်တွေ ကျဉ်းကြပ်နေရရင်

ငါလဲ ပျော်နိုင်မှာမဟုတ်လို့ပါ ...။

ငါ့အတွက်ဆိုရင်

စကားလုံးတွေသိပ်ရှားပါးတတ်တဲ့ မင်းဆီက

ပွင့်လင်းမှုတစ်ခုကိုပဲ ငါကလဲ တောင့်တခဲ့တယ်

တကယ်တမ်းရနေတာကတော့ "လစ်လျူရှုမှု" ...။

ရက်စက်လိုက်တာ ကောင်းကင်ရယ်

ငါ့ရင်ပေါ်ကိုမှ အလေးမထားခြင်းမိုးတွေရွာချရတယ်လို့

.... တောက် ........။

                  " အဲဒီသစ်ရွက်တွေ နွမ်းခြောက်ကြွေသွားတဲ့အခါ အပြာရောင်သုသာန်မှာ အိပ်မက်ဂူအဖြစ်  မြှုပ်နှံပေးပါ"

                                                                                                                      

                                                                                                                  သစ်ရွက်လင်း

" အပြာရောင်အိပ်မက် "

အထိအရှလွယ်တဲ့ ငါ့ခံစားမှုတွေက

ငါ့ကို အခါခါ အိပ်ပျက်စေတယ်

ရုတ်တရက် ထကြည့်ပြန်တော့လဲ

အိပ်မက်တွေက

ကစဥ့်ကလျား ကျကွဲနေပြန်တယ်

အားလုံး " အပြာရောင်တွေ " ချည်းပါပဲ

ဟူးးးး .. ရင်နဲ့မဆံ့အောင်ပါပဲကွယ် ...။  

ရင်ဘတ်က မိုးတိမ်ဆိုရင်

အဲဒီမိုးတွေကို အခါခါညို့စေတာက

ကံတရားလား ....။  

 အချစ်ရေ

မင်းရဲ့ရယ်သံတွေမှာ " မုသားတွေ "

ရောနေရော့သလားကွယ်

ငါ့ကောင်းကင်မှာ တိမ်တွေ

ခဏခဏ ညိုရတယ် .....။  

လွမ်းတတ်တာကို လှောင်ပြောင်တတ်တဲ့

လောကက   

မသေချာမှုတွေနဲ့ နှစ်သိမ့်နေပြန်သေးတယ်

အင်း .. တော်တော်ပဲ တရားကျဖို့ကောင်းပါတယ်  ...။  

ဘာပဲဖြစ်ဖြစ်ပေါ့လေ

မင်းနင်းလျှောက်ဖို့ ရင်တခွင်လုံး

ဖြန့်ခင်းပေးထားပြီးမှတော့

မင်း ခြေဆောင့်တာလောက်ကို

နာကျင်မိမယ် မထင်တော့ပါဘူး

ဒါပေမဲ့

မင်းအတွက်တော့ တန်ဖိုးရှိချင်မှ ရှိမှာပါ

မင်းပြောသလို

0
 

0
 

0
 

0
 

0
 

0
 

0
 

0

ပေါ့ကွာ .... ။  

ဟော .. ပြောရင်းဆိုရင်းပဲ

ငါ့ရင်ခွင်တောင်ကုန်းမှာ

တိမ်မိုးတွေ ညိုလာပြန်ပီ အချစ်ရယ်

ငါ့ မျက်ရည်တွေ မရွာသွန်းခင်

ငါ .. ခဏလောက် ရှောင်ပုန်း နေလိုက်ပါအုံးမယ် ...။

" လမ်းစဉ် "

နာကျင်ပါစေတော့ဆိုတဲ့ ဆန္ဒနဲ့

ဘယ်မြှားတွေကိုမှ ငါ မပစ်ခွင်းခဲ့ပါဘူး

ကိုယ့်ကိုယ်ကိုခင်းပြီးလျှောက်ရတဲ့ လမ်းတွေက

ဘယ်မှမရောက်နိုင်မှန်းသိလို့

ခရီးဖော်တွေကို ဧည့်ဝတ်မကျေခဲ့မိတာပါ

အဲဒါကို ငါ ရိုင်းတယ်ထင်ရင်

ငါ့ကို ကွေကွင်းသွားကြပါ .. လှောင်ပြုံးသွားကြပါ

ဘယ်သူ့အတွက်မှမကောင်းတဲ့ .. အတိတ်သီချင်းတွေကို

ဘာကြောင့် သံပြိုင်ဆိုနေချင်ကြသေးတာလဲ

ကိုယ့်သမိုင်းကိုရေးမယ့် .. လက်တွေကိုရော

ဘာအတွက်ကြောင့် .. သူများမျက်ရည်သွေးတွေ စွန်းစေနေအုံးမှာလဲ

ကိုယ့်ခရီးကိုယ်သာ အဆင်ပြေပြေဆက်ကြပါ

နေဝင်ရင် အိပ်စက်ကြရမဲ့အတူတူ

လုပ်စရာရှိတာကိုပဲ လုပ်ကြပါတော့

မပြေလည်ခြင်းတွေနဲ့ အသားကျတဲ့ ငါ့မှာ

အိပ်မက်တွေလဲ ... သဲတရှရှပါပဲ

သက်ဆိုင်သူတို့ရေ

အခင်အမင်မပျက် .. အမုန်းမဖက်ပဲ

ပစ္စုပ္ပန် ပုံပြင်ကို

ငါတို့အတူတူ ထိုင်ကြည့်ကြပါစို့နော် .....။

" အိပ်ပျက်ညများ "

အချစ်ရေ ....

အိပ်မရတဲ့ .. ညတွေ .. များပြီကွယ် ...။

သတိတရနဲ့ပဲ .. ခဏမေ့ထားလိုက်ရတဲ့ .. မနေ့ကအတိတ်တွေက .. တခါတခါ ရှေ့ဆက်ဖို့

 တွေးလိုက်တိုင်းငါ့ရှေ့မှာ .. ခလုတ်လာတိုက်ကြတယ် ... ။

ပြင်လို့မရအောင် .... နေသားကျနေတဲ့ .. အဲဒီအတိတ်တွေကို ... ငါ့အိပ်မက်တွေမှာ ..

မပါစေချင်တာ .. အမှန်ပါ ..အဲဒီအတိတ်တွေကြောင့် .. မင်းရယ်သံလေးတွေ ..

ခြောက်ခမ်းမသွားစေချင်တာလဲ .. ငါ့ဆန္ဒပါပဲ ...

ကြားဖူးတဲ့ .. သီချင်းတပုဒ်လို .. နေညိုရင် ဒို့ဝေးရမှာ သိပေမဲ့ .. နေမညိုခင် ..

အချိန်လေးအထိတော့ ..ရင်ခုန်သံတွေ .. လတ်ဆတ်နေပါရစေအုံးကွယ် ... ။

မင်းကို ငါ .... သီးခြားရင်ဘတ် ... သီးခြား ခံစားချက်တွေနဲ့ ... ချစ်ခဲ့တာ ..

အဲဒီအချစ်မှာ ..ယုံကြည်ခြင်း .... မယုံကြည်ခြင်းတွေ မရှိဘူး .... မျှော်လင့်ခြင်း ...

စွန့်လွတ်ခြင်းတွေလဲ ... မရှိဘူး ...ချစ်တယ်ဆိုရုံလေးပဲ .. ချစ်ခဲ့တာပါ ...

မင်း နားလည်နိုင်လောက်မယ်လို့ .. ငါ .. ယုံကြည်ပါတယ် ...

အချစ်ဆိုတာ .. သိပ်ရိုးသားလွန်းပါတယ် .. အချစ်ရယ် ..။

အဲဒီ .. ငါ ယုံကြည်ထားတဲ့ ကမ္ဘာထဲမှာ .. မင်းရယ် ငါရယ် ကလွဲရင် ဘာမှ မရှိပါဘူး ..

ဒို့နှစ်ယောက်ထဲရယ် ...တခါတခါ မင်းပျောက်သွားတဲ့အချိန်တွေမှာ ..

ငါတယောက်ထဲ .. ကျန်မယ် ..ငါ ပျောက်သွားတဲ့အခါ မင်းတယောက်ထဲရှိမယ်  ...

အဲလိုကျန်ခဲ့ချိန်တိုင်းမှာလဲ .. ကျန်ခဲ့တဲ့သူက ..  သူ ပြန်လာတဲ့အချိန်ထိ ..

မငိုကြွေးပဲစောင့်ကြရင်းနဲ့ .. ရင်ခုန်သံတွေကို .. အဆက်စေပေါ့ အချစ်ရယ် ..

ပျော်ပါစေ .. အချစ်ရယ်  ......။

အိပ်မရတဲ့ .. ညတွေ .. များပြီကွယ် ..။

Missing someone is

a nagging feeling
No way of releasing

But silently squealing

Regretting decisions

that were previously made
Now I’m dying inside,

while you’re so far away

                                amon

" ဇဝေဇဝါ "

ငါ့ကိုယ်ငါ မမြင်ရအောင်

မင်းရင်ဘတ်နဲ့

ခဏလောက်ကွယ်ထားပေးစမ်းပါ အချစ်ရယ်

အိပ်မက်တွေကို မော့ကြည့်မိတိုင်း

ဘဝက ဝေး  ဝေး သွားလွန်းလို့ .....။

ကိုယ့်ရင်ခုန်သံကို .. မကြားချင်လောက်အောင်

အသိတွေက နာကျင်နေတယ်

တွံတေးသိန်းတန် သီချင်းလို

"မဆုံချင်တော့ရင်လဲ .. နေပါစေဒီတသက်" ပေါ့ ...။

ညတွေ ယစ်မူးစွာကုန်ဆုံးသွားတိုင်း

မနက်လင်းမှာကို ကြောက်နေရတဲ့ ငါ့အဖြစ်

အချစ်မှ မဟုတ်ခဲ့ပဲ ......။

ငါ့ကိုဖြတ်ပြီးစီးဆင်းသွားကြတဲ့

အဲဒီပေတရာလမ်းမတွေ

မင်းကိုကြည့်တဲ့ အကြည့်လောက် မရှည်လျားခဲ့ဘူး

ဒါလဲ အချစ် မဟုတ်ပြန်ဘူး ....။

ယော ... ခက်ရချည်ရဲ့

ဇာတ်သိမ်းကို ကြိုသိနေပြီးသားပြကွက်ကိုမှ

ငါကလဲ တပ်တပ်မက်မက်ထိုင်ကြည့်နေတယ်

အချစ်ရေ

ဒို့တွေ ဝေးကြပါစို့ကွယ် ..... ။

" အချစ် "

ည

တိတ်တိတ်ဆိတ်ဆိတ် မဟုတ်ပေမဲ့

အသိတွေကို ဆန္ဒတွေနဲ့ ဝေဝါးပစ်လိုက်တဲ့အခါ

အားလုံး ... ငြိမ်သက် .. တိတ်ဆိတ် ....

အသက်ရှူသံ .. ခပ်ပြင်းပြင်းတွေကြားမှာ

အနမ်းတွေ တခွက်ပြီးတခွက်

ယစ်မူးစွာ ကခုန်ကြတယ် ....

အိုး ...... လှလိုက်တဲ့ ရင်ခုန်သံ ....

မင်းနှုတ်ခမ်းမှာတောင် ... ပန်းရောင်တွေသမ်းလို့ .....။

" ဖျားနာခြင်း "

တိတ်တိတ်လေး .. လမ်းခွဲခဲ့ကြပေမယ့် .. ငါ့ရင်မှာတော့ ကမ္ဘပျက်သလို .. ဆူညံခဲ့တာပါ

တစတစနဲ့ .. ငါတို့ ဝေးသွားကြသလိုပဲ ... ငါ့ခရီးတွေကို .. မသိစိတ်တွေနဲ့ ပျံသန်းလိုက်ရတယ် ..

အတိတ်ဟာ အရိပ်ဆိုပေမဲ့ ... ခဏခဏထုတ်ပြချင်စရာမကောင်းတဲ့ .. ပုံရိပ်တွေဖြစ်မဲ့အတူတူ

ငါ့အတိတ်ကို .. ငါကိုယ်တိုင်ပဲ ကန့်လန့်ကာ ချလိုက်ပါရစေ .. ငါ့ဘဝထဲကို .. မင်းလာနိုင်မှာ

မဟုတ်သလို .. မင်းဘဝထဲကို ငါဝင်လာဖို့ဆိုတာလဲ .. အိပ်မက်လိုပါပဲ .. ဘာလို့လဲဆိုတော့

ဒို့လမ်းတွေက .. မစခင်ကတည်းက .. ဆုံးနေပြီးသားမို့ပါ ...

ကောင်းခြင်းတွေနဲ့ .. ကံမစပ်တဲ့ငါက .. မကောင်းတာတွေကိုပဲ ထပ်လုပ်မိနေတာလား ..

ကံတရားက ... စီမံပေးနေတာလား ဆိုတာ ... ငါ့ကိုယ်စား .. မင်းပဲ ... ပြောပါတော့ ....


ဘကြီးရေ ...

ဘကြီးတို့ခေတ်ကလို .. သုံးနှစ်သုံးမိုး ပိုးပန်းခဲ့ရတာ .. မဟုတ်ပေမဲ့ .. အဲဒီသုံးနှစ်သုံးမိုးထက်

မကတဲ့ ..ခံစားချက်တွေ .. ကျနော့ ရင်ဘတ်မှာ ဖြစ်တည်ခဲ့တယ် .. ဆိုရင် ဘကြီးယုံမလား ...

မရီပါနဲ့ ဘကြီးရာ ... မြေးလဲ ခံစားတတ်တာပါပဲဗျ ... ဒါပေမဲ့ .. ဟန်ဆောင်လိုက်တယ် ..

သိပ်မောတယ် ဘကြီးရာကိုယ့်ကိုယ်ကို ညာရတဲ့ ဒုက္ခလောက် .. လောကမှာ ဆိုးတာ မရှိဘူးထင်တယ် ...

ဒါပေမဲ့ .. ကျနော်တို့တကယ် မပွင့်လင်းခဲ့ကြပါဘူး ... သံသယတွေ  ဒါမှမဟုတ် မသိခြင်းတွေ ဒါမှမဟုတ်

ဘာမှန်းမသိတာတွေ ...ဒါမှမဟုတ် ဘာမှမရှိခြင်းတွေ .. အဲဒါတွေနဲ့ပဲ .. နေ့တွေကုန်ဆုံးသွားကြတယ် ..

ကျနော်ကိုယ်တိုင်လဲ ..ကိုယ့်ကိုယ်ကို ဘာမှန်းမသိတော့ဘူး .....

အခုတော့ ကျနော့ကို ချစ်ကြတဲ့သူတွေ .. ကျနော်က ချစ်တဲ့သူတွေ ... အားလုံး .. အားလုံး ...

ကိုယ်စီဒဏ်ရာလေးတွေမရှိစေဖို့ပဲ .. ကျနော်ဆုတောင်းတော့မယ် ...  အားလုံးအဆင်ပြေပါစေ

" ရင်တစ်ခွင်စာ အလွမ်း "

ခက်လိုက်တာ ကလေးရယ်

ဝင်ဝင်မလာပါနဲ့ဆိုမှ

အတွေးထဲရောက်လာပြီး ရင်ခုန်သံတွေ ခိုးခိုးသွားတယ်

မင်းကြောင့်တော့ခက်ပါတယ် ...။

ငါလိုလူအတွက် မင်းရဲ့အချိန်တွေမကုန်ပါစေနဲ့ ကလေးရယ်

တဘဝစာလွမ်းဖို့အတွက် တို့တွေခဏလေးထပ်နေကြမယ်

ရင်တစ်ခွင်စာလောက် စကားတွေပြောပြီးရင်တော့

မင်း သွားပါတော့ ကလေးရယ်

ငါ့ကို မငြိတွယ်ချင်ပါနဲ့ .....။

ကဗျာတွေလဲ ထပ်မရေးပါရစေနဲ့

သီချင်းတွေလဲ ထပ်မဆိုပါရစေနဲ့

မင်းမျက်နှာကိုလဲ ထပ်မမြင်ပါရစေနဲ့တော့

ငါ့ကို ဝီစကီတစ်ခွက်သာ ပေးပါ လောကရေ ...။

ရင်တစ်ခွင်စာလောက် စကားတွေပြောပြီးရင်

တစ်ဘဝစာလောက် ခဏလေးဝေးကြစို့ အချစ်ရယ်

မင်းရင်ထဲမှာ ငါရှိနေတဲ့ကမ္ဘာရောက်ရင်

မင်းနဲ့ငါ ဆုံဖြစ်ကြမှာပါ

အခုတော့ အချစ်ရယ်

တစ်ဘဝစာလောက်လေးပဲ ဝေးနေကြပါအုံးစို့ကွယ် .....။

" အထိတ်တလန့် "

ငါ့ခရီးတစ်လျှောက်က မိုင်တိုင်တွေမှာ

မင်းမျက်နှာတွေ မြင်နေရတယ်

မရည်ရွယ်ထားပါဘဲနဲ့

မင်းအကြောင်းတွေပဲ တွေးမိနေတယ် ...။

မင်း အဆင်ပြေရဲ့လား

နေရောကောင်းရဲ့လား

အချိန်တိုင်းမဟုတ်ပေမဲ့

အချိန်တော်တော်များများ ငါ့အတွေးထဲနေရာယူထားတာက

မင်းပဲ ဖြစ်နေတယ်

ငါ ဘာဖြစ်နေပါလိမ့် ....။

Vodka တွေလဲ တလုံးပြီးတလုံး

အိပ်မက်ထဲ စီးဆင်းသွားကြတာ

ဂစ်တာသံတွေတောင်ညံလို့ .....။

အိုး .... မိုင် .......... ဂါ့ .........

ငါ မင်းကိုသတိရနေတာပါလား

မဖြစ်သေးပါဘူးလေ

ခွင့်လွှတ်ပါ ညီမလေးရယ်

ငါ အိပ်တော့မယ် .....။

" ခေါင်းစဉ်မရှိ "

ဘဝဆိုတာ ရိုးရိုးလေးပါပဲ .. ချစ်လေးရေ

အိပ်မက်တွေကို အတိုးချစားသုံးဖို့

နေ့ခင်းအလင်းရောင်တွေကို

ရက်ရက်ရောရော  ... ပေးကမ်းပစ်လိုက်ရတာပဲဟာ

ငါ့ကိုနမ်းဖို့အတွက် ... မင်းနှုတ်ခမ်းတွေ ဘာလို့ ဆွံ့ အ  နေသေးတာလဲ

ကန္တာရတွေပူလောင်ရတာဟာ

အိုအေစစ်လေးတွေကြောင့်ဆိုရင်   မင်းငြင်းမလား

အဲလိုပဲ ငါ့အလွမ်းတွေလဲ မင်းနဲ့ဝေးကွာရခြင်းတွေကြောင့်

ခပ်နွမ်းနွမ်းလေး  ပူလောင်နေ၇တယ် ..

ချစ်လေးရေ

မျက်လုံးလေးတွေ မှိတ်ထားပေးပါကွယ်

အတွေးထဲမှာပဲ ခပ်စူးစူးလေးနမ်းပါရစေ

ညနေတခုလုံး ထုံမွှန်းသွားအောင်

မင်းရဲ့ရင်ခုန်သံတွေနဲ့   ဖြန့်ကျက်ပစ်လိုက်စမ်းပါ

ရှက်နေသေးလား ........ အချစ်ရယ်

မိုးကုတ်စက်ဝိုင်းနဲ့ ...... အဲဒီလိပ်ပြာလေးတွေ မျက်နှာလွှဲထားကြမှာပေါ့

ရှက် .......... တော့ ....... နဲ့ ........... နော် .........။

" အိပ်မက် (သို့) အဆုံးမဲ့ကာရန် "

တို့အတူလျှောက်ခဲ့ကြတာပေါ့

အဲဒီတိမ်ပြာရောင်ပလက်ဖောင်းတွေေ ပ်ါမှာ

မင်းလက်နဲ့ဆုပ်ကိုင်ထားတဲ့ အပြုံးတစ်ပွင့်ရယ်

မင်းအသက်ရှူသံတိုးတိုးရယ်က

ကမ္ဘာနဲ့အပြိုင်

ငါ့နှလုံးသားကို ဆွဲငင်တယ် ...။

အပျော်တွေနွေးထွေးလိုက်တာများ

ဒီဇင်ဘာနှင်းတွေတောင် ငိုခဲ့ကြကွယ့် ...

လေပြေတွေက တို့ချစ်ခြင်းကိုဘာသာပြန်လို့

ဥသြတွေ ထပြန်သွားလေရဲ့ ...။

ငါက ကဗျာတစ်ပုဒ်ကိုဆိုတယ်

ချစ်သူက ကာရံတစ်ပုဒ်ကိုထပ်ပြန်တော့

တေးဆိုငှက်တွေ

မျက်စောင်းမာန်ခဲ ထပြန်သွားပြန်တယ် ...။

ဒီလိုနဲ့ပဲ ... နင်ရယ် ငါရယ်

ပန်းသီးတွေ ရနံ့လှိုင်တဲ့ " အေဒင်ရယ် "

ရာသီတွေကို စားသုံးပစ်လိုက်တယ် .....။
 
                                                  

                                                            (သစ်ရွက်+သစ်ပင်)

" အတိတ် "

လောကရေ

တစိုက်မတ်မတ် ရှူသွင်းခဲ့တဲ့

အဲဒီလေပြေတွေထဲမှာ

ခါးသက်သက် မျက်ရည်ရနံ့တွေ

ပါနေမယ်မှန်းသာသိခဲ့ရင်

ငါ့မနက်တွေကို အာရုဏ်မလင်းစေပါဘူး

ငါ့ခရီးတွေကိုလဲ

အသက်သွင်းမိမှာမဟုတ်ပါဘူး

အခုတော့ဖြင့်ကွယ်

ငါ့ဘဝတစ်ခုလုံးပိန်ချိုင့် လို့

ငါ့အနာဂတ်ထဲ

ငါ

ဒလိမ့်ခေါက်ကွေးပြုတ်ကျခဲ့ ပေါ့ .......။

" လွမ်းရလို့ပျော်သူ "

ညတစ်ညပါပဲ

မလှမပနဲ့ပြီးဆုံးခဲ့တာပါ

တကယ်ပျော်လို့မဟုတ်ပေမဲ့

အကျွန်ုပ်ဖြတ်သန်းခဲ့တာ

နှစ်ဆယ်ကျော်လို့ ငါးနှစ်တိုင်ခဲ့ပါပြီ သခင်…………။

 

ပြီးတာတွေအတွက် ဆိုမဖွဲ့တော့ပါဘူး

ဆည်းဆာတွေလဲ ........... ပြိုခဲ့ပြီမို့

ငိုလျှက်နဲ့ ဒီရင်အစုံ

သခင် မြင်ရုံသာကြည့်လှည့်ပါ……..။

 

သခင်

အဝေးတစ်နေရာကဆိုပေမဲ့

ဆွေးနေတာ အရှင်မြင်နိုင်ပါ့

အသင် ကျီစယ်တာဖြစ်ခဲ့ရင်တောင်

ဒီရင်မှာ နစ်တဲ့မြှားတွေက

တမင်ရည်ရွယ်ကာ ပစ်ခဲ့တာလားကွယ်………….။

 

အပြီးပြန်ခဲ့ပါပြီ

အထီးကျန်အလွမ်းတွေနဲ့အပြည့် နဲ့

အဲဒီ

အကျည်းတန်ကမ်းခြေနားကပါ …...။

 

အကျွန်ုပ်ရဲ့

စမ်းတဝါးဝါး အပြန်လမ်းမှာ

အိပ်မက်တွေ တခမ်းတနားလှပဆဲပါလို့

သခင်ခြွေမယ့် အနမ်းတစ်ပွင့်ကို

မှန်းဆလို့မျှော် တမ်းတလို့ခေါ်သည်လေ

သခင်ရယ်

လွမ်းရလို့ပျော်သူပါ………။

" အဖြည့်ခံ "

ကောင်မလေးရေ

ဟို တစ်ချိန်ကပေါ့

နင့် မနက်ဖြန်တွေ လှပအသက်ဝင်ဖို့

ငါ့ မျှော်လင့်ချက်တွေကို နင်းချေခဲ့ရတယ်….

ဒါပေမဲ့

ငါဟာ… အိပ်မက်လိုလူပါ

လူတွေခဏခဏမက်ကြပေမဲ့

တစ်ဘဝလုံးအတွက်တော့

ဘယ်သူကမှ ဖက်တွယ်မထားကြပါဘူး

အာရုံဦးအလင်းရောက်တယ်ဆိုရင်ပဲ

ငါဟာ

တိုးရှိုးစွာပျောက်ကွယ်သွားရမယ်လေ….။

မရှိမဖြစ်မဟုတ်ပေမဲ့     မကြာခဏတော့

သူတို့ ငါ့ကိုလိုအပ်နေကြအုံးမှာပါ..

ဂုဏ်ယူချင်လို့ မဟုတ်ပေမဲ့လဲ

ငါကိုယ်တိုင်က      အဲဒီပေးဆပ်မှုတွေမှာ

တပ်မက်သာယာနေတတ်ပြန်ရော…

နောက်ဆုံးတော့

အရှုံးတွေကိုသာ စားသုံးခဲ့ရတဲ့ ငါ

ရင်ခွင်တစ်ခုလုံးလဲ

ဂျူလိုင်ကောင်းကင်လို      ညို့ညို့မှိုင်းနေလေရဲ့……။

အလွမ်းည

ည 

ခဏခဏ ထကြည့်မိတယ်
 

အလွမ်းတွေလှလွန်းလို့ .....
 

အဲဒီလေပြေတွေရဲ့ တေးသွားမှာ
 

လရောင်ဖွေးဖွေးတို့ ယိမ်းနွဲ့နေပုံက
 

ကြယ်တွေငိုအောင် လှရက်လွန်းတယ် ....
 

ချစ်သူရေ
 

သတိရခြင်းတွေ နိုးထလာပြန်တော့
 

တစ်လောကလုံး
 

မင်းမျက်နှာလေး ဖုံးအုပ်ထားသလိုပဲ
 

ကြည့်မိတဲ့ နေရာတိုင်း
 

 မြင်နေတာ မင်းပဲပေါ့
 

မင်းကလဲ
 

ပန်းကလေးတွေ မပြုံးနိုင်အောင်ကို
 

လှလွန်းသူပါ .....
 

ဒီလိုနဲ့ပဲ
 

ငါ့ရဲ့ အထီးကျန်ညထဲမှာ
 

ငါရယ် ဘေးနားကဂစ်တာအိုလေးရယ်
 

တီးတိုးစကားတွေ ပြောဖြစ်ကြတယ်
 

တိတ်ဆိတ်လွန်းပါတယ်
 

တို့နှစ်ဦးရဲ့ တကိုယ်ရည်ကြားရုံ
 

ရေရွတ်သံတွေကလွဲရင်ပေါ့
 

( နင်းအနားကို .... ငါ မရောက်နိုင် .....
 

လှောင်အိမ်ထဲက ... အချစ်ငှက်လို ...
 

ငါ့အလွမ်းတွေ .... နင်သိနိုင်ဖို့ .....
 

ဒီသီချင်းတွေ ... ငါလေ .......
 

အ....ချိန်.....တိုင်း.....ဆို....) ...။

( ကဗျာမဟုတ် စာမဟုတ်ပါပဲ .. ကိုယ်တိုင်တောင်.. ဘာမှန်းမသိပါဘူး .. သည်းခံပြီးဖတ်ပေးသူများကို .. ကျေးဇူး)




 

မဲဇာတောင်ခရီး

ဟို ဝေးဝေးကဥသြသံ

ငါ့ရင်ကိုချီဆောင်မယ့်အိပ်မက်လေလား

မှိုင်းညို့ညို့ကောင်းကင်တစ်ခုလုံးလဲ

အလွမ်းတွေသာဖုံးလို့ .....။

ဘေးနားကမပြေလည်မှုတစ်ချို့

ရင်းနှီးဖို့ကမ်းလှမ်းလာတဲ့အချိန်

ငါကတော့

ခပ်ရင့်ရင့်နေရောင်အောက်မှာပဲ

ကိုယ့်ကိုယ့်ကိုယ်အေးမြဖို့

ကြိုးစားနေရတယ် .....။

တွယ်တာခြင်းလေးရေ

တစ်ကန္တာရလုံးမစိမ်းလန်းရင်တောင်

ငါ့နေ့တွေစုန်ဆန်ကူးခတ်ဖို့

မင်းခြွေမယ့် မိုးတစ်စက်နဲ့တင် လုံလောက်ပါတယ် ....။

စိမ်းဖန့်ဖန့်သတိရခြင်းတွေကတော့

မလွမ်းတတ်ဘူးလို့ မင်းထင်တဲ့  ငါ့ရဲ့ညနေတွေနဲ့

ရိုးရိုးသားသား နေသားကျမြဲပါပဲ .....။

ကဲ .... မဲဇာသူရေ

တောင်စွယ်မှာလဲ နေကွယ်ခဲ့ပြီ

ရှေ့နားကလမ်းလေးလဲ

သူ့ကိုယ်သူငုံ့ကြည့်ရင်း အိပ်မောကျခဲ့ပြီမို့

ငါ့ရဲ့စီရင်ခန်းကို ကျိုးနွံစွာပဲ ဆက်ပါရစေအုံး

ဒါပေမဲ့  အဲဒီညထဲမှာလဲ ငါ့အတွက်

  

ကြယ်တာရာတွေ ခရီးထွက်ကြအုံးမှာပါ ..... ။






 

ဆည်းဆာရောင်လမ်း

ကောင်းမလေးရေ

အဲဒီလေပြေတွေ

မခို့တရို့ပျံသန်းနေပုံက

ငါ့ရင်ကိုဖွဖွလေးခုန်စေတာပါ  ...။

ညတွေ

ညင်ညင်သာသာပြုံးကြတာများ

မင်းကမ်းတဲ့

ပန်းတစ်ပွင့်လောက်လှတယ် ...။

မျှော်လင့်ချက်တွေ

အသက်ဝင်တောက်ပဖို့

အိမ်မက်တွေတနင့်တပိုးသယ်ဆောင်ရင်း

ဆည်းဆာရောင် ငါ့ရဲ့အပြန်လမ်းမှာ

ငါ

အလွမ်းတစ်ခြင်းစာခူးဆွတ်ခဲ့တယ်. ....။

မပြေလည်ခြင်းများ

ဘယ်သူတွေလာရဲသလဲ

ကိုယ့်ကိုယ်ကိုခင်းပြီးအိပ်ရတဲ့ငါ့ဘဝထဲကို

ဒုက္ခတွေနဲ့ဧည့်ခံရတာ.. ကြာလာတော့

ငါလဲမျက်နှာပူလှပေါ့..

ဘဝတွေကြမ်းတမ်းလိုက်ပုံများ

သက်ပျင်းတွေပြုတ်ကျတာတောင်

မကောက်အားဘူး

မငိုဘဲကျတဲ့မျက်ရည်

ရင်ထဲကအပူငွေ့နဲ့တင်

ခမ်းခြောက်ပျောက်ကွယ်နိုင် ရဲ့ …..။

ချစ်သူ

မင်းအချစ်နဲ့

ငါ့ကောင်းကင်တွေလင်းလက်နိုင်တယ်ဆိုရင်

ငါ့ဒုက္ခကြောင့်

မိုးတိမ်တွေမညို့စေချင်တာ

ဘယ်သူအတ္တကြီးတာလဲ….

“မခေါ်ရက်ဘူး” ဆိုတာ

သီချင်းစာသားသက်သက်တော့မဟုတ်ပါဘူး

နှလုံးသားရဲ့ပြယုဂ်တစ်ခုပါ ......။

ကောင်မလေးရေ

ဒို့အချစ်တွေနဲ့

ဘဝကိုပစ်စလက်ခတ် " ရဲ"  လိုက်ကြပြီဆိုပါစို့

အချိန်တန်လို့ အချစ်တွေအငွေ့ပျံသွားရင်

မင်းရောငါရောရင်ကွဲမယ်…..။

တိမ်လိုလူ

မျောလွင့်နေအုံးမှာပါ

ငါ့ဝိညာဉ်တည်ရှိနေသရွေ့

လေနှင်ရာသင့်ရတဲ့ငါ့ဘဝ

ဘယ်ကမ်းတင်လို့   ဘယ်သောင်နားနားပေါ့.  ....။

အိပ်မက်မိုးတွေ တဖြိုင်းဖြိုင်းရွာဖို့

ငါ့ကိုယ်ငါအန်ထုတ်လာပြီးမှ

ဒုက္ခတစ်ခွက်စာမျိုချဖို့လောက်ကို

ငါ မတုန်လှုပ်တော့ပါဘူး

ဒါပေမဲ့ လောလောဆယ်အချိန်အထိ

ငါနားမယ့်သောင်ကမ်းပါးတွေ

မီးမထွန်းကြသေးသလို

ငါသွားမယ့်လမ်းတွေလဲ

မှောင်လို့ကောင်းနေတုံးပါပဲ .....။

လောကရေ

ငါ့ညတွေနက်လွန်းနေလားကွယ်

ကိုယ့်ကိုယ်ကိုသီကုံးဖို့လောက်တော့

ငါ

လင်းလက်နိုင်သေးတယ်ထင်ပါရဲ

ဘာပဲဖြစ်ဖြစ်

ငါ့အနားမှာဘယ်သူမှမရှိကြတော့ရင်တောင်

အနည်းဆုံးတော့

ငါသွားရာလိုက်ကြည့်နေမယ့်လမင်းကြီးရယ်

ငါ့ကိုချော့သိပ်မယ့်ကမ္ဘာမြေကြီးရယ်

ရှိနေကြသေးတာပဲ.....။

အသုံးမဝင်ခြင်းများ

ရောင်နီတွေမကျပါနဲ့အုံး

ကျွန်တော့်မနက်တွေအသင့်မဖြစ်သေးလို့ပါ

နိုးတစ်ဝက်အိပ်မက်တွေလဲ

ပြတ်ပြတ်သားသား အဆုံးမသတ်နိုင်ကြသေးဘူး ......

ကိုယ့်ကိုယ်ကိုခင်းပြီးလျှောက်ခဲ့တာတောင်

ခြေလှမ်းတွေက ဘာ့ကြောင့်

တစ်ဖဝါးမှမရွေ့နိုင်ကြတာလဲ

မတွေဝေချင်တော့လို့ ပြေးထွက်ခဲ့ကာမှ

လမ်းစုံမှာရပ်မိနေတဲ့အဖြစ် .....

လမ်းဟောင်းလေးရေ

ငါ တွေဝေနေတုံးပဲကွယ်.....။

ယစ်မူးတစ္ဆေ

ငါ့ရင်ထဲစီးဆင်းသွားတဲ့

အလွမ်းပူတစ်ခွက်က

ငါ့အသိဥာဏ်တွေ ဝေဝါးဖို့

လုံလောက်ခဲ့တယ်

ရှေ့ကလမ်းမီးတိုင်တချို့တောင်

ကခြေသည်တယောက်ရဲ့ ခြေလှမ်းတွေနဲ့

စီးချက်ညီစွာ

တစ်ခွက်ပြီးတစ်ခွက် ကလို့ ...။

တိတ်ဆိတ်လွန်းတဲ့ အဲဒီညထဲ

လမ်းမတွေက လမ်းသွယ်တွေကြား

ငိုက်မြည်းတယ်

အိပ်မက်တွေက

သတိရခြင်းပင်လယ်မှာ ရွက်လွှင့်တယ်

သစ်ပင်တွေက ကျေးငှက်တို့ရင်ခွင်မှာ

ကြည်နူးနေတာများ

တခါတခါ သစ်ရွက်စကားသံတွေတောင်

ကြားရသေး .....။

ချစ်သူရေ

ဒီတစ်ညတော့ တိုးတိုးလေပဲ နမ်းခဲ့ပါရစေကွယ်

ရှေ့ကမြို့လေးအိပ်မောကျနေလို့ပါ .....။

အဆုံးမသတ်ရသေးသော

ဘဝကို

သပ်သပ်ရပ်ရပ်လေး .. ထုတ်ပိုးမိကာမှ

ဖရိုဖရဲအနားစတွေ .. ကန်ထွက်လာရသလိုပေါ့ ..

အလွမ်းတွေ

ရက်ရက်ရောရောပူတယ် .....။

ခရီးတွေ , အိပ်မက်တွေ , မျှော်လင့်ချက်တွေ

အစီအစဉ်တကျ စီးဆင်းနေတာများ

နှေးသွားလိုက် မြန်လာလိုက်နဲ့

ငါ့ကို ကျော်တက်သွားတဲ့ သတိရခြင်းတွေက

တခါတခါ လက်ပြနှုတ်ဆက်လို့ .... ။

အချစ်ရေ

ဒို့တွေ အိတ်သွန်ဖာမှောက်

ချစ်ခဲ့ကြပြီးပြီလား .......။

မင်းမျက်ရည်တွေကို တစ်ရှိုက်မတ်မတ်နမ်းရဲတဲ့အထိ

မင်း ငါ့ကို ချစ်တယ်

စက္ကန့်မလတ် ငါ့အတွေးတိုင်းမှာ

မင်းပဲ အမြဲစိုးမိုးထားတယ် 

အချစ်ရေ

ဒို့တွေ အိတ်သွန်ဖာမှောက် ချစ်ကြပြီလား .....။

"ပင့်ကးမျှင်နေ့ရက်များ"

ငါ့သမိုင်းမှာ
 

ငါကိုယ်တိုင်ကမ္ဗည်းတင်နိုင်ဖို့

မနေ့ကအတွေးလက်ကျန်တစ်စနဲ့

လောကကိုဖွင့်ထုတ်မလို့ကြံရုံရှိသေး

ဘဝအက္ခရာတွေက အလိုလိုတိမ်းစောင်းချင်နေပြီ…..။

 

ကဲ

ငါ ဘာများတတ်နိုင်အုံးမှာလဲ.....

လွဲမှားမှုတွေတသီတတန်းနဲ့ ငါ့စိတ်ကူးတွေလဲ

မနေ့ကမဆုံဖြစ်ခဲ့တဲ့ ညနေဆီကို

တရွေ့ရွေ့ချဉ်းကပ်လို့

သြော် ဘဝ ဘဝ…..။

မနက်ဖြန်တွေလှပဖို့အတွက်

မနေ့ကအချိန်တွေကိုပြန်ပြီးအသက်သွင်းရအုံးမှာလား

ယိုင်နဲ့နဲ့မျှော်လင့်ချက်တွေနဲ့ ငါ့အနာဂတ်

ရင်ဆိုင်ရအုံးမယ့်

မနက်ဖြန်ရဲ့စိန်ခေါ်မှုတွေ

ဟူး…….မောလိုက်တာကွယ်…….။

ဆုတောင်း

တရားအသိမယှဉ်နိုင်သေးသရွေ့တော့
ဘုရားတပည့်ဆုပန်ခြွေပါရစေ
ဝဋ်ရှိသမျှနောင်သံသရာမှာ
သမုဒယအပူဟူသမျှ
သူ့ဆီကသာ
ယူရပါစေသား။

ရင်ကွဲအလွမ်း

တိတ်တိတကလေးဆိုပေမဲ့

အလွမ်းကောင်းကင်တစ်ခုလုံး

ငါ့ရင်ထဲ ပြိုဆင်းခဲ့တာပါ…

♥♥ ခံနိုင်ရည်တွေ ပျောက်ရှ

ရင်တစ်ခွင်လုံးဗြောင်းဆန်လို့

ငါဟာ

အမှောင်ထဲက မျက်ကန်းတစ်ယောက်ပေါ့…….

♥♥ အမေရေ

အဲဒီတံခါးတွေ Lock ချပေးပါ

ကျွန်တော်အိပ်တော့မယ်……။

♥♥ သစ်နိုင်ပါဦးမလား

အဲဒီအာရုဏ်ဦးတွေ

ရင်ခွင်ဗလာနဲ့ ငါ့အတွက်တော့

အရာရာတိုင်းဟာ

အလွမ်းရောင်သမ်းနေမှာပါပဲ……

♥♥ ငါ့အခန်းထဲက ပြေးထွက်သွားကြတဲ့

အဲဒီမီးခိုးငွေ့တွေကိုငေးရင်း

တစ်လိပ်ပြီး တစ်လိပ်

တစ်ရှိုက်ပြီး တစ်ရှိုက်

ပြူတင်းပေါက်က အလင်းရောင်တွေ

ငါ့ကိုလာနှုတ်ဆက်တော့မှ

ငါ ပစ္စုပ္ပန်ဘဝထဲပြန်ရောက်ခဲ့တယ်…. 

♥♥ အင်း…..အမေရေ

ဒီတစ်ညလဲ ကျွန်တော်မအိပ်ဖြစ်ပြန်ဘူး…………..။

" နှစ်သစ်သို့အလွမ်း (သို့) မီးကျွမ်းနှင်း "

နှစ်သစ် ..... တဲ့ ..

ဘာတွေသစ်ပြီး ... ဘာတွေဟောင်းနေကြတာလဲ

ပြေးလိုက်လွှားလိုက်ပဲ .. ရပ်တန့်နေရတဲ့ .. ငါ ..

သစ်လိုက် ဟောင်းလိုက်နဲ့ပဲ ..

နွမ်းပါးခဲ့ရတယ် .....။

ဒီဇင်ဘာတွေ မအေးတဲ့ ဒီဆောင်းမှာ

ငါ့ အသဲတွေတော့

ထူးထူးခြားခြား ... အေး လို့ ... ခဲ လို့ ...။

ချစ်သူရေ

အတိတ်စိမ်းစိမ်းတွေကို

မီးရှို့ပြာချပစ်ဖို့ ..... ဝေးကွာခြင်းမိုးတွေ

တို့နှစ်ယောက်အတွက် ... လိုအပ်ပြီပေါ့နော်

" သူငယ်ချင်းလိုပဲနေရအောင် " ဆိုတဲ့စကား

ငါ့ရင်ကို ပါးပါးလေးလှီးတဲ့ .. ဓားပါပဲ ....။

စည်းတွေမတားထားပါပဲနဲ့

တို့နှစ်ယောက်က အလိုလို

စည်းတွေခြားကုန်ပါပေါ့လား .....။

မငိုကြေးနော် .. ချစ်သူ

ရင်ဘတ်တွေခင်းပြီးလျှောက်နေပါလျှက်နဲ့

တို့ခရီးတွေဘယ်မှမရောက်ကြမဲ့အတူတူ

မင်းပြောတဲ့ လမ်းခွဲပုံပြင်က

တို့အတွက်အချိုဆုံးတေးတစ်ပုဒ်ပေါ့ ....။

ငါ မရှိတဲ့နောက်နေ့သစ်တွေထဲမှာ

မောရင်းလွမ်းရင်းနဲ့ .. မင်းပျော်ပါစေ....။

နှင်းရေ ...

အဆင်မပြေခြင်းတွေနဲ့ ... ဒီဇင်ဘာမှာ

ငါ့နှလုံးသားတွေ .... အေးစက်စက်နဲ့ပဲ

မီးကျွမ်းခဲ့ရတယ် .....။