" ဝေးကွာခြင်းရဲ့အဝေး "

အလွမ်းရောင်ကြားထဲမှာ

နီယွန်မီးတွေ ပြပြလင်းတယ်

မကြားချင်လောက်အောင် နားငြီးတာက

သတိရခြင်းအသံတွေ  တဲ့ ...

အလုပ်တွေကြားထဲမှာ မေ့တယ်

အိပ်မက်ထဲအထိ မုန်းပစ်လိုက်တယ်

ဒါပေမဲ့

အသက်ရှူသံတိုင်းမှာ ကပ်ငြိနေတာက

မင်းအရိပ်တွေဖြစ်နေတာ 

စိတ်ကုန်ချင်စရာပဲ ...

နမ်းခဲ့ဖူးတဲ့ နှုတ်ခမ်းတစ်စုံ 

မှေးစက်ခဲ့ဖူးတဲ့ ရင်ခွင်

တစ်ခါတစ်ခါ

ငါ့ရင်ကို သေလောက်အောက် နှိပ်စက်လွန်းတယ်ကွယ် ...

သံယောဇဉ်တွေ ဖြတ်ခဲ့ကြပေမဲ့

လက်ကျန်ရင်းနှီးမှုတွေက

တစ်ယောက်တစ်လမ်းဆီ လျှောက်နေကြတာတောင်

တဖဝါးမကွာ လိုက်နေကြတုန်း ...

" မောင် .. ဘာလုပ်နေလဲ .. အဆင်ပြေလား " တဲ့ 

" အိပ်တော့နော် .. ကျန်းမာရေးလဲ ဂရုစိုက် " ဆိုတော့  

" ဖက်ထားပါလား " တဲ့ 

" အိုကေပါကွာ " လို့ပြောပြီး အဆုံးမှာတော့

" တူ ... တူ ... တူ ... " အသံနဲ့အတူ

ဝေးကွာခြင်းတွေထဲမှာပဲ 

ဒီတစ်ည ထပ်ဝေးလိုက်ကြတယ် ....။

" ညဥ့်နက်သီချင်း "

အထီးကျန်ခြင်းတွေ အန်အန်ချနေတဲ့ အဲဒီညနေခင်း
ငါ့အခန်းထဲကကို မထွက်နိုင်သေးဘူး
သွားစေချင်ပြီ  .. မမြင်ချင်တော့ဘူး
အသဲကွဲတယ်ဆိုတာ ငါနဲ့ ဖူးစာပါပီးသား နတ်သမီးထင်ပါ့
ဘဝတဆစ်ချိုးတိုင်း .. ကိုယ်ထင်ပြတယ် ...။

 

မင်းအတွက်တော့ ကလူကျီစယ်ခြင်းဆိုပေမဲ့
ငါ့အတွက်က ရင်တခြမ်းလုံးပုတ်သိုးစေတဲ့ အဆိပ်မြားပါ
အချစ်ဆိုတာ
လိမ်ညာပြီးကစားကြတဲ့ ဘောလုံးပွဲမှမဟုတ်ပဲ
ရင်ဘတ်တွေချခင်းပြီး ခံစားချက်တွေ ကိုယ်စီဖူးပွင့်ကြရတာ
ကစားပွဲတခုထက် ပိုရင်းနှီးရတယ် ...။
 

မင်းနဲ့ဝေးရရင် ငါ သေနိုင်တယ်လို့ မဆိုလိုပါဘူး
ဒါပေမဲ့
မင်းကိုပေးလိုက်တဲ့ ခံစားချက်စစ်စစ်တွေက နောက်ထပ်အတုမရှိနိုင်တော့လို့
သေမယ်ဆို သေလို့ရတယ် ...။
 

မင်းရဲ့ချစ်ခြင်းနဲ့ ငါ့ကမ္ဘာကိုလင်းစေခဲ့တာ
အခုတော့ လတွေမိုက်ကုန်ကြပြီ
အိပ်မက်ထဲမှာ အိပ်မက်ကို ပြန်ရှာရင်း ညက နက်သထက်နက်နက် လာနေတယ်
ရှိစေတော့
တစ်ကြိုးထဲတီးလို့ သံစဉ်မဆုံနိုင်ဘူးဆိုပေမဲ့
ငါ့လွမ်းခြင်းနဲ့ ငါ့ကိုယ်ငါ ချော့သိပ်တော့မယ်
မင်းလဲ အိပ်ပျော်ပါစေ ...။ 

" အိမွန်အတွက် (၃) "

အသဲကွဲကဗျာတွေ ငါမရေးတော့ဘူး

တမ်းတခြင်းသီချင်းတွေလဲ မညည်းတော့ဘူး

ငါ့ရင်ထဲမှာပဲ

မင်းကို ထာဝရမြှုပ်နှံသဂြိုလ်လိုက်တော့မယ်

သိပ်လွမ်းလွန်းလာတဲ့အခါ

ဘယ်သူမှ မမြင်အောင် ထုတ်ထုတ်ကြည့်ရင်း

ဒို့တွေ ဖြည်းဖြည်းလေး ဝေးကြရအောင် ...။

အပျင်းပြေ

အစပိုင်းမှာပေါ့
မင်းလိုအပ်တဲ့အချိန် ကပြဖို့
ငါ့ဘဝကို အရုပ်ဖြစ်စေခဲ့တယ်
အဲဒါကိုပဲ မင်းကိုချစ်တဲ့ အချစ်လို့ ငါထင်ထားခဲ့တယ်
တကယ်တမ်းစဉ်းစားကြည့်ပြန်တော့
အဲဒါ အချစ်မဟုတ်သေးဘူး
မင်းလဲ ငါ့ကို ချစ်တယ် လို့ ပြောပေမဲ့
တကယ်ချစ်တာမဟုတ်သေးပါဘူး
မင်းအတွက် အပျင်းပြေ ပါ

တဖြည်းဖြည်းနဲ့ မင်းကို ငါ တကယ်ချစ်လာတဲ့အချိန်
အချစ်ဆိုတာ ကို ငါ နားလည်လာတယ်
အချစ်ဆိုတာ တကယ်တော့ "ရလိုမှု"
ဟုတ်တယ် အချစ်ဆိုတာ လိုချင်မှု သက်သက်ပါပဲ
သူနဲ့ပတ်သက်လာရင် အရာရာလိုချင်တယ်
သူ့ရဲ့ ဂရုစိုက်မှု ၊ အလေးထားမှု၊ စသည်စသည်ဖြင့် အရာအရာတိုင်းက ကိုယ်ပဲဖြစ်ချင်လာတယ်
အဲဒါအချစ်ပဲ

 

အဲဒီတော့
စတွေ့တုန်းခါစ အစပိုင်းတုန်းကလိုပဲ
မင်းအပေါ်မှာအဆင်ပြေသလောက် ဖြည့်စည်းပေးခြင်းမျိုးနဲ့ နေတတ်ဖို့ကို ငါ ဦးတည်ရတော့မယ်
အဲဒါမှ မင်းရဲ့အပျင်းပြေအဆင့်နဲ့ ညီလိမ့်မယ်
ဒါမှသာ ငါရော မင်းရော အဆင်ပြေကြမယ်ထင်တယ်

အိုကေ အချစ်ရေ
ငါတို့ရဲ့ အစဦးပိုင်းကိုပဲ ပြန်သွားကြပါစို့ ..။

သူမနှင့်ကျွန်တော်

နှင်းရည်လွှမ်းသော မနက်ဖြန်ထဲတွင် ကျွန်တော့ဝိညာဉ်တို့ ရိုးရိုးသားသားလူးလွန့်နေပါလိမ့်အုံးမည်။
 မသိနားမလည်ခြင်းတွေ ထုံမွှန်းသော ကျွန်တော့အတိတ်သည် ဒီမနက်ပစ္စုပ္ပန်ထဲအထိ ထုံအလို့ကောင်းနေဆဲဖြစ်ပါသည်။ ကျွန်တော့ကိုယ်ကျွန်တော်မသိပါ။ သင်တို့လဲကျွန်တော့ကိုသိလိမ့်မည် မဟုတ်ပါ။အဘယ့်ကြောင့်ဆိုသော် ကျွန်တော်သည် တကယ်မရှိသောကြောင့် ဖြစ်ပါသည်။

ကိုယ့်ကိုယ်ကို မသိသော ကျွန်တော်သည်အိပ်မက်တွေ မက်ခဲ့ဖူးပါသည်။
ထိုအပ်မက်ထဲတွင် သူမပါသည်။ သူမရဲ့ အနမ်းချိုချိုတို့ပါသည်။ ကျွန်တော့်ရဲ့ စိတ်ကူးယဉ်အတွေးတို့လဲ ပါပါသည်။ အရောင်အသွေးမတူသော မြစ်တစ်စင်းထဲတွင် သူမနဲ့ ကျွန်တော်ကူးခတ်ပျော်ပါးခဲ့ကြပါသည်။ သူမကျွန်တော့ကို မမြင်ပါ။ သူမကိုလဲ မြင်သလိုလိုနဲ့ ကျွန်တော်မမြင်ခဲ့ပါ။ ထို့ကြောင့် တဖက်ကမ်းသို့ သူမကူးခတ်သွားခဲ့ပါသည်။

ကျွန်တော့်အတွေးတို့၌ အချိန်တိုင်းစိုးမိုးခဲ့ဖူးသော သူမသည် မနေ့က သေဆုံးသွားခဲ့ပါပြီ။ သူမရဲ့ဈာပနပွဲတွင် အသဲပန်းတို့ ဖွေးဖွေးဖြူ၏။ ကြယ်ကပွဲတွေ ပြိုင်တူသီဆို တီးမှုတ်ကြ၏။ လိပ်ပြာတမ်းချင်းတွေ ခြိမ့်ခြိမ့်သဲ ကျင်းပကြ၏။ ကျွန်တော် လိုက်မပို့ဖြစ်ပါ။ သို့သော် ကျွန်တော်ရပ်ကြည့်နေခဲ့ပါသည်။ ကျွန်တော်မရှိသောဘဝထဲတွင် သူမ နှစ်ခြိုက်စွာအိပ်မောကျနေတတ်ပါပြီ။ သူမအတွက် ကျွန်တော်မလိုအပ်ပါ။ ထို့အတူ သူမ မပါသောအိပ်မက်တွေလဲ ကျွန်တော် မက်တတ်ပါပြီ။ ကျွန်တော့်ရှေ့တွင် မြစ်တွေ တသွင်သွင်စီးဆင်းနေကြသည်။ ပင်လယ်တွေ လှိုင်းချက်ညီလာကြသည်။  သူမပေးခဲ့ဖူးသော ရင်ခုန်သံတို့ တဖြည်းဖြည်း ခြောက်သွေ့ညှိုးနွမ်းလာကြပါမည်။ ကျွန်တော် ရေမလောင်းပေါင်းမသင်တော့ပါ။ ကျွန်တော့်ကိုကျွန်တော်သိဖို့ ကျွန်တော်ရှိရာအရပ်သို့ သွားပါတော့မည်။ ကျွန်တော်အိပ်မက်မမက်တော့ပါ။


နှင်းရည်လွှမ်းသော မနက်ဖြန်ထဲတွင်
ကျွန်တော့ဝိညာဉ်တို့ ရိုးရိုးသားသားလူးလွန့်နေပါလိမ့်အုံးမည်။

သစ်ရွက်လင်း

အိမွန်အတွက် ၂

  ဝေးကြပီဆိုတဲ့အတွေး တွေးမိရင်

ရင်ဘတ်တွေ ဆောက်တည်ရာမဲ့ချင်လာတယ်

အင်းလေ

အိပ်ရေးပျက်ချင်လို့မဟုတ်ပါပဲနဲ့တောင်

မအိပ်ဖြစ်တဲ့ညတွေ ရှိခဲ့ဖူးတာပဲ

ကောင်မလေးရေ

မတွေ့ဖြစ်ကြပေမဲ့

အိပ်ယာဝင်တိုင်းမင်းအကြောင်းတွေ တွေးမိသလို

မနက်အိပ်ယာနိုးတိုင်း အရင်ဆုံးသတိရမိတဲ့သူက

မင်းဖြစ်နေတုန်းပါပဲ

ငါ့ရဲ့ပတ်သက်မှုတွေက မင်းအတွက်အနှောင့်အယှက်တခုလို့

တွေးလာပီဆိုမှတော့

ငါ ဝေးဝေးနေပေးယုံပဲရှိတာပေါ့လေ

ဝေးကွာသွားကြခြင်းကပဲ ဒို့အတွက်အကောင်းဆုံးဖြစ်မယ်ထင်တယ်

 မင်းကိုစိတ်မညစ်စေချင်တော့ပါဘူး

ငါ့ရဲ့ရင်ခွင်ဟာ မင်းအတွက်ဇရပ်တခုလို့သတ်မှတ်သေးရင်

ဘဝအမောတွေနဲ့နွမ်းလျတဲ့အခါ ခိုးနားအပန်းဖြေလှည့်ပါ

ခရီးကြမ်းတွေနဲ့ပင်ပန်းစိတ်ညစ်ရတဲ့အခါ

အရိပ်ခိုအနားယူလှည့်ပါ

ငါ့အတွက်အချစ်ဆိုတာ မင်းလိုသလောက်သာ ဖြည့်စည်းပေးခွင့်လို့ပဲ

မှတ်ယူလိုက်ပါတော့မယ်

မင်းရဲ့အချိန်တွေ သာယာပါစေ

မင်းရဲ့မျှော်လင့်ချက်အိပ်မက်တွေ အရောင်တောက်ပါစေ

Good Luck       ပါ ကလေးရယ် ... ။

တယောက်သောသူအတွက်ကဗျာ

မိုးပြာရောင်တွေ အိပ်တန်းတက်ကြချိန်တောင်

ညတွေက

တိတ်တိတ်ဆိတ်ဆိတ် ညံတုန်း

ရင်ထဲမှာ ဗလောင်ဆူအောင်လွမ်းတာက နင်

လမ်းမပေါ်ထွက်ကြည့်တော့

မြီးကောင်ပေါက်တွေရဲ့ ကျောင်းဝတ်စုံတွေပဲ 

ဒေါင်လိုက်အဖြစ် တွေ့ရတယ် 

ငါ့ညကို ငါ တူးဖော်ကြည့်တော့ 

အရိုးပြိုင်းပြိုင်းအထီးကျန်ခြင်းတွေပဲ

ဆွေးဆွေးမြည့်မြည့် တွေ့နေရတာ

ဝီစကီတစ်ပက်လောက် 

ရင်ခုန်ချင်စရာမကောင်းတော့ဘူး

သတိရခြင်းတခွက်လောက်နဲ့ မူးချင်နေတဲ့ ငါ

ရှေ့က ရင်နင့်စရာတွေ တစားပွဲလုံးသာ သောက်သုံးရရင်တော့

ကြေကွဲစရာပဲ 

သီချင်းတပုဒ်တော့ ကြားဖူးတယ်

" ခြောက်ခြားည" တဲ့ ....။ 

ခပ်ဝေးဝေးနေနေရသူတွေရဲ့

ရင်ခုန်သံချင်း ပွေ့ဖက်ရောထွေးတဲ့အချိန်

သိပ်ပျော်စရာကောင်းမှာပဲ

မိုးကုတ်စက်ဝိုင်းရဲ့ အနမ်းတစက်နဲ့

အရာရာလှပနေလိမ့်မယ်

စကားမစပ် မိန်းကလေးရေ

ရှေ့လှည့်ကြည့်လို့ နောက်ပြန်မြင်နေရတဲ့ခံစားချက်မျိုး

မင်းရင်ထဲမှာ ခပ်ပါးပါးရှိနေပြီဆိုရင်တောင်

အဲဒါကို သတိရလွမ်းဆွတ်ခြင်းလို့ ခေါ်တယ်

မဆုံဆည်းရတာ အပြစ်မဟုတ်ပေမဲ့

ချစ်ခွင့်တွေ ကံကုန်ပြီဆိုရင်တော့

ဘဝက ခါးတာပဲ ...။

                                 

                                                              သစ်ရွက်လင်း

"အချစ်"

ပြင်းပြင်းပြပြ ငိုချခဲ့ချင်ပေမဲ့

ငါ့မျည်ရည်တွေက

မင်းအတွက် အမှိုက်မဖြစ်ချင်တာကြောင့်

မျိုချခဲ့ရတဲ့ အကြိမ်တွေ ဘယ်နှစ်ခါမှန်းမသိတော့ဘူး

ဆန္ဒနဲ့ဘဝသာ တစ်ထပ်ထဲကျခဲ့ရင်

အဲဒီနေ့ ငါ သေလို့ ရတယ် ...။

ဝေးဝေးက ချစ်ဖို့ပဲ အကြိမ်ကြိမ် ကြိုးစားခဲ့တဲ့ ငါ

လွန်ဆန်လို့ မရတဲ့ နှလုံးသားရဲ့ အတ္တကြောင့်

အကြိမ်ကြိမ် နီးနေမိတယ် 

မင်း သိလား

မီးကို ပူမှန်းသိရက်နဲ့ 

ရင်ခွင်ပိုက်ထားရတဲ့ ငါ့ ခံစားချက်

မဖြစ်နိုင်မှန်းသိရက်နဲ့ ကြိတ်မှိတ် မျှော်လင့်မိတဲ့ ငါ့ ရူးသွပ်မှု

အရာအားလုံးဟာ 

မင်းအတွက်တော့ အရူးကွက် ပါပဲ ...။

ဖြေတယ်

ငါ့ကိုယ်ငါ ငါ မဟုတ်တဲ့ ငါနဲ့ ဖြေတယ်

အဖြေက 

မဝေးနိုင်တာပါပဲ တဲ့

သေရော

မင်း ဟားတိုက်မရယ်ရင်တောင် ငါ့မှာ ကျေးဇူးတင်ရမလိုလို

မင်း သိပ်မလိုအပ်တဲ့ နှလုံးသားတစ်စုံ

လတ်လတ်ဆတ်ဆတ်ကြီးကို ရင်ခုန်နေသေးတယ် ..။

ငါ မေ့လိုက်ချင်ပီ

မင်းကို ငါ့အချိန်တွေထဲက ဖယ်ထုတ်ချင်ပီ

ဒါပေမဲ့ 

မလုပ်နိုင်သေးတာ ဘာကြောင့်လဲ

မင်းရင်ဘတ်တွေ ငါ့အတွက်

စိမ်းနေမှန်းသိရက်နဲ့

ငါက

ရိုးရိုးသားသား မိုက်မဲ တမ်းတနေချင်သေးတယ် 

အဓိပ္ပါယ်ကောက်တော့ ချစ်နေသေးတယ် 

shitttttttttttttttttttttttttttt

မသိစိတ်ထဲမှာ

မင်းကို ငါ $ရမ်း မုန်းတယ် ....။

11.08.2013 / 12:45 AM

" အတု "

မျောလွင့်လာတဲ့ တိမ်တစ်စကို

မြတ်နိုးစိတ်နဲ့

တသက်လုံးအတွက်ဆိုပြီး ဆုပ်ကိုင်ခဲ့တယ်

ဒါပေမဲ့

ငါ ဆုပ်ကိုင်လိုက်တာက "တိမ်အတု" ...။

အဲဒီလိုပဲ

ပျက်သုဉ်းသွားတဲ့ ယုံကြည်မှုတချို့ကို

အချစ်စိတ်နဲ့ ချေဖျက်နိုင်မယ်လို့ မျှော်လင့်ထားခဲ့တယ်

ဒါပေမဲ့

ငါ ရရှိထားတာက "အချစ်တု" ...။

ထပ်တူမကျနိုင်မှန်းသိရက်နဲ့

ရူးရူးသွပ်သွပ် မျှော်လင့်ရင်ခုန်ခြင်းတွေအတွက်

ပြန်ရခဲ့တာက "ခံစားချက်အတု"...။

ဘာကြောင့်လဲဆိုတာအဖြေရှာကြည့်တော့

ဝမ်းနည်းတယ် ... ကြေကွဲတယ် .....

ဒါပေမဲ့

နှစ်ယောက်စလုံးအတွက် အမှတ်တရတခုအဖြစ်လောက်သာ အသုံးဝင်တဲ့

အဲဒီ ဖြစ်စဉ်အတု ကိုပဲ နောင်အချိန်တွေတော်တော်ကြာအထိ

ငါ့အတွေး ငါ့နှလုံးသားမှာ

ကျေနပ်စွာ သယ်ဆောင်သွားရအုံးမယ် .....။

17.07.2013 အမှတ်တရ

" အိပ်မက်ရောင်ဖိနပ်တစ်ရံ "

လမ်းမပေါ်ထွက်လိုက်တော့

အလွမ်းကျကွဲသံတွေပဲ ဆူဆူညံညံကြားရတယ်

အခန်းထဲပြန်ဝင်လာတော့လဲ

ညက မင်းပြန်ယူမသွားဖြစ်တဲ့

အိပ်မက်ထဲက အနမ်းတွေ ပြည့်နေတယ်

နားမလည်ခြင်းတွေကို ခေါင်းအုံးအိပ်ပါများတော့

အိပ်မက်တွေတောင် ပုပ်သိုးချင်လာသလိုပဲ

လေတယ် ..... ။

ခံစားမှုတွေ အညှီနံ့တသင်းသင်းနဲ့

ငါ့ကိုယ်ငါ ရွာချပစ်လိုက်ရတဲ့ မျိုသိပ်ခြင်းမိုး

တစ်ရာသီလုံး ချမ်းတော့မယ် ..။

ကဲ

 နွေးထွေးခြင်းအစုတ်ပလုတ်လေးရေ

ကိုယ့်အထာနဲ့ကိုယ် နေတယ်ဆိုပေမဲ့

မင်းရင်ဘတ်ထဲက 

လက်တဝါးစာ မထီမဲ့မြင်ပြုမှုတွေက

တခါတခါ

ငါ ဆွဲထိုးချင်လောက်အောင် လှတယ် ..။

ညအသေတွေ အထပ်ထပ်မျိုချထားတဲ့ ငါ့ရာသီခွင်

မင်းလုပ်မှပဲ ဇာတာတွေ မှားတော့မယ်ထင်တယ်

အခုတောင် 

အရှေ့အရပ်က နေမထွက်တော့ဘူး .. ။

မှားသထက်မှားနေနိုင်ဖို့

ငါ ဖြုန်းတီးပစ်လိုက်ရတဲ့ အိပ်စက်ခြင်းတွေ

မင်းလမ်းတွေအတွက် 

ဖိနပ်တစ်ရံ ဖြစ်စေချင်တယ်

ကဲ

မိုးလဲလင်းပြီ အိပ်တော့မယ် .... ။

" မပြောဖြစ်တဲ့ကဗျာ "

အလဲအကွဲပါပဲ

တယောက်ထဲထိုးရတဲ့ပွဲ

မရှုမလှရှုံးခဲ့တယ် ... ။

တခန်းရပ်မဟုတ်ပေမဲ့

တဘတ်သတ်ဆန်နေတာမို့

ဒိုင်ပွဲရပ်နဲ့နားခဲ့ရတဲ့ ဒီဇာတ်မှာ

မျှော်လင့်ချက်တွေက ပွဲကြည့်ပရိတ်သတ် ..  တဲ့

ရင်တွေခမ်းအောင် ချစ်တော့မယ်ဆိုကာမှ

မပြတ်သားနိုင်ခြင်း အသိတွေကြောင့်

အိပ်မက်တွေခိုကိုးရာမဲ့ပီပေါ့

အိပ်နေရင်းနဲ့ အိပ်ရေးပျက်သူ ငါ

တခါတခါ ငါ မသိတဲ့ကမ္ဘာမှာ

ငါ့နာမည်ကို ထိုင်ရေးနေမိသေးတယ် ....။

ဘာပဲဖြစ်ဖြစ်ပေါ့လေ

မသိစိတ်မှာတောင် မင်းကိုကိုးကွယ်နေမိလေတော့

ကံစီမံရာပဲလို့ သဘောထားရင်း

ခံစားမှုတွေ ဘာသာမပြန်တတ်တဲ့ အခန်းမှာ

မင်းကို ငါ ထိုင်စောင့်နေမယ် ..။

" Anniversary" (29.05.2013)

ဘဝကို လုံးရင်းထွေးရင်းနဲ့

မင်းကိုငါ လုံးလုံးထွေးထွေး သတိရတယ်

ကောင်မလေးရေ ... ။

အတွေးတွေကို ရေချိန်ညှိကြရင်းနဲ့

ပိန်လိုက်ဖောင်းလိုက် ချစ်လာလိုက်ကြတာ

အခုဆိုရင် ရာသီတပါတ်တောင် လည်ခဲ့ပြီ ။

မင်းရဲ့ မိုးရာသီထဲမှာ

ငါ့ညတွေ ငြိမ်းချမ်းခဲ့ဖူးသလို

လေမုန်တိုင်းတွေကြားထဲမှာလဲ ငါတို့တွေ လူးလွန့်ခဲ့ရဖူးတယ်။

စိတ်တွေပုတ်သိုးသွားလိုက်

ခံစားချက်တွေ ရင့်ရော်လာလိုက်နဲ့

တယောက်ကိုတယောက် မြင်အောင် ကြည့်ကြရင်း

ငါတို့ မမုန်းဖြစ်ခဲ့ကြဘူးနော် ..။

ဒီရာသီ

အထူးသဖြင့်ဒီနေ့အချိန်ပေါ့

ငါ့အိပ်မက်တွေကို ချိုမြိန်သွားစေမဲ့ မင်းကို

ကံတရားက ငါ့ရှေ့ခေါ်ဆောင်လာပေးခဲ့တာ

သိပ်ကျေးဇူးတင်တယ်

ရင်ခုန်သံလတ်လတ်ဆတ်ဆတ်တွေနဲ့ ချစ်တတ်စေခဲ့လို့

မင်းကိုလဲ ကျေးဇူးတင်တယ် ...။

ချစ်တယ် ကောင်မလေးရယ်

အဆင်မပြေမှုတွေကို ငါတို့ရင်ဘတ်တွေနဲ့ ကုစားရင်း

နေဝင်ချိန်တစ်နေ့အထိ

ငါတို့ ရင့်သန်နေကြအုံးစို့ ..... နော် .... ။

" သက်ဦးဆံပိုင်သခင်မ "

ချစ်သူရေ

အလွမ်းရောင်တလက်လက် လင်းနေတဲ့

ငါ့ရင်ခွင်နန်းထက်မှာ

"သက်ဦးဆံပိုင်သခင်မ" အဖြစ်

ကြွား ဝံ့ ဟန် ထည် လှည့်ပါတော့

အနေဝေးရခြင်းသောကတွေက

ခါးသက်လှပါဘိ .....။

မင်းရဲ့ အဲပြုံးအလင်းတွေ ဖြာကျနေတဲ့

ငါ့နှလုံးသားဥယျာဉ်ထဲမှာ

ရင်ခုန်ခြင်းအသီးအပွင့်တွေ

ပြွတ်သိပ်ကြပ်အောင် ဝေဆာခဲ့ပီပဲ

ခူးဆွတ်လှည့်ပါ

စားသုံးလှည့်ပါ

ဆင်မြန်းလှည့်ပါ

ယုယစွာကြင်နာထွေးပွေ့လှည့်ပါ

ငါ့ရဲ့ချစ်ခြင်းတရားသံစဉ်တွေနဲ့

နူးညံ့လွတ်လပ်စွာ ကခုန်လှည့်ပါတော့ကွယ် .....။

" သက်ဦးဆံပိုင်သခင်မ " ရေ

အဲဒီကြယ်ပြာရောင်ကောင်းကင်ကိုဆွဲကိုင်ပီး

ငါ့ရဲ့အိပ်မက်မှာ

ပျော်ရွှင်ခြင်းပန်းချီကားချပ်တွေ စုတ်ခြစ်လှည့်ပါ

ဘဝတွေမိန်းမောသွားလောက်တဲ့အထိကို လှပနေမဲ့

မင်းရဲ့ကြယ်သံစဉ်ဆေးချက်တွေနဲ့အတူ

မင်းအနမ်းမှာ

ငါ 

တဘဝစာမှေးစက်ပစ်လိုက်ချင်လို့ပါ .....။

အရောင်မဲ့

18.04.2014

(ကဗျာပိုင်ရှင် " အရောင်မဲ့ " ကို Credit ပေးပါတယ်။)

" အပြာရောင်တမ်းချင်း(၂)"

အပြာရောင်လေးရေ

ငါ့အိပ်မက်အသေတွေ ကျဲဖြန့်ထားတဲ့
 

အိမ်ရှေ့နားက
 

ခပ်နွမ်းနွမ်းမနက်တွေထဲမှာ

ငါလှမ်းစရာ လမ်းပျောက်နေသလိုပဲ ....။
 

မရေမရာ မျှောင်လင့်ချက်တွေကို
 

ထုတ်ကြည့်ရဖန်များလာတော့
 

ငါ့ဝိညာဉ်ကို ငါ ရှက်လာသလို အားနာလာသလိုပဲ
 

ငါသူ့ကိုတော့မေးကြည့်လိုက်ပါတယ်
 

" ငါ ရူးနေပီလား" လို့
 

ဒါပေမဲ့
 

တကယ့်မရဲတရဲလေးရယ်ပါ ...။
 

ဟိုးအရင်တုန်းက
 

ကိုယ့်ယုံကြည်ချက်နဲ့ကိုယ်လျှောက်နေတဲ့
 

ငါ့လမ်းတွေပေါ်မှာ
 

အပြာရောင်မိုးတွေ ရုတ်တရက်ကြီး ရွာချတယ်
 

သစ်ခွတွေရနဲ့မပြယ်ခင် သစ်ရွက်တွေမညှိုးနွမ်းခင်
 

သဲသဲမဲမဲပေါ့ .... ။
 

ဘာမှမဖြစ်ပါဘူးဆိုပီး ဆက်လျှောက်ခဲ့ပေမဲ့
 

တကိုယ်လုံးရွှဲရွှဲစိုလာမှ ပြန်ငုံကြည့်တော့
 

ငါ့မှာ ရင်ဘတ်မရှိတော့ဘူး
 

အခု
 

ငါ့ကိုယ်ငါပါပျောက်ဆုံးနေတယ် ... ။
 

အပြာရောင်လေးရေ
 

ငါ အခုချိန်အထိ မိုးမိနေတုန်းပါပဲ
 

ဒါပေမဲ့
 

တယောက်ယောက်အတွက်
 

တခုခုအတွက်
 

ဒါမှမဟုတ်ရင်လဲ
 

ဘာမှမဟုတ်တာအတွက်
 

မနက်ဖြန်ကစပီး ငါ တခုခုလုပ်ရတော့မယ် ...။

သစ်ရွက်လင်း

                                                                                                                            19.04.2013 at 12:40 AM

အပြာရောင်တမ်းချင်း(၁)

ခရီးတွေက သံယောဇဉ်တွေနဲ့ အရောင်တင်ထားကြလေတော့

ဝေးမှန်းနီးမှန်း မသိသာလိုက်ဘူး

အပြန်လမ်းတွေကျတော့လဲ

အလွမ်းတွေခေါ်ဆောင်ရာနောက် လိုက်ရတာ

မျက်စိတမှိတ်အတွင်းမှာတင် မိုင်တိုင်ပေါင်းများစွာကို ဖြတ်ပီးခဲ့သလိုပဲ

မြင်လိုက်ချင်စမ်းတယ် မက်ဆေ့တကြောင်း

ဖတ်လိုက်ချင်စမ်းတယ် စာတပိုဒ်

တကယ်လက်တွေ့မှာတော့

ငါ့ကိုကြိုဆိုကြတဲ့ သတိရခြင်းတွေက

အမှောင်ထဲမှာပဲ လဲလျောင်းနေကြတယ်

ဟူးးးးးးးးးးးးးးးး
မျှော်ရသူဘဝ ... ပူပန်ရသူရဲ့သောက

လွယ်တော့မလွယ်လှဘူးပဲ ..။

ဘယ်နေရာမှာလဲဆိုတာ မှန်းဆလို့ ရပေမဲ့

ဘာတွေလုပ်ပီး ဘယ်လိုတွေဖြစ်နေလဲဆိုတာ

တမ်းတမ်းကြည့်ရုံနဲ့ မသိနိုင်တော့လဲ

လွမ်းရင်းမော ... မောရင်းလွမ်းပေါ့လေ။

သစ်ရွက်လင်း

12.04.2013 at 11:30 PM

" ငါ့မှာတမ်း "

ငါ့ရင်တွေခုန်နေဆဲပါပဲ

ဒါပေမဲ့
 

ငါ အိပ်မက်တွေ မမက်တော့ဘူး
 

ညတွေအိပ်ရေးပျက်ရလွန်းလို့ပါ ...။

 

ငါ မင်းကို ချစ်နေဆဲပါပဲ
 

ဒါပေမဲ့
 

ငါ မျှော်လင့်ချက်မထားတော့ဘူး
 

ရင်ဘတ်တွေထိခိုက်နာကျင်ရတာ မကြည့်ရက်တော့လို့ပါ...။

 

မင်းနဲ့အတူ ဘဝကိုတည်ဆောက်ချင်စိတ်တွေ ရှိနေဆဲပါပဲ
 

ဒါပေမဲ့
 

ငါ အခိုင်အမာ ယုံကြည်မထားတော့ဘူး
 

မင်းရဲ့အနာဂတ်ထဲမှာ ငါ ရှိနိုင်မှာမဟုတ်လို့ပါ...။

 

မင်းရဲ့အပြုံးတွေကို တရှိုက်မတ်မတ် နမ်းချင်နေတုန်းပါပဲ
 

ဒါပေမဲ့
 

ငါ မတောင့်တ တော့ဘူး
 

ငါထက်သာတဲ့ဘဝထဲမှာ ဆက်ပီးပြုံးနေစေချင်လို့ပါ...။

 

ဖြတ်သန်းခဲ့ဖူးတဲ့ နေ့ညတွေကို သတိရမနေရင်လဲနေပါ
 

ဒါပေမဲ့
 

မေ့မပစ်လိုက်ပါနဲ့
 

ငါ ရူးသွပ်မသွားခင် အချိန်လေးအထိ မင်းကို စွဲလန်းနေချင်သေးလို့ပါ...။

                                                                     

သစ်ရွက်လင်း

26.03.2013  12:27 AM

" အပြာရောင်သတို့သမီး "

ငါ အထပ်ထပ်ညှိနေခဲ့ပါရက်နဲ့
 

အဲဒီကြိုးတွေက ဘာကြောင့် သံစဉ်မမှန်နိုင်ကြရတာလဲ
 

သံစုံညည်းဖို့ မလိုခဲ့တာတောင်
 

အော်ဟစ်သံတခုထဲနဲ့တင်
 

ကမ္ဘာမြေက ကွဲအက်ချင်နေသတဲ့လား
 

အပြာရောင်သတို့သမီးရေ
 

ငါ့ညထဲက တခမ်းတနားလက်ထပ်ပွဲက
 

အိပ်မက်အဖြစ်နဲ့ပဲ ဘိသိသ်သွန်းလိုက်ခဲ့ပြီထင်တယ်
 

လက်ခုပ်သံတသောသောက ငါအတွက်မဟုတ်ဘူးဆိုပဲ

အေးပေါ့လေ
 

ဒရွတ်တိုက်ဆွဲလာရဖန်များတော့
 

အဲဒီခံစားမှုတွေလဲ နာကျင်ပွန်းပဲ့နေလောက်ရောပေါ့
 

မင်းအတွက် ငါဟာ လိုအပ်ချက်မဟုတ်ပေမဲ့
 

ငါ့အတွက်တော့ မင်းဟာ ဆုလာဘ်တခုဖြစ်နေသေးတယ်
 

ဘာပဲဖြစ်ဖြစ်ပါ
 

မင်းမက်တဲ့အိပ်မက်တွေနဲ့ အဲဒီနေညိုရောင်မင်္ဂလာပွဲမှာ
 

မင်းပျော်ရွှင်စေဖို့ ငါ ဆန္ဒပြုခဲ့ပါတယ်။

 

သစ်ရွက်လင်း

25.03.2013

" မာန် "

အချိန်တွေ ရင့်ကျက်လာပါ့မလားဆိုပီး

အဲဒီကောင်းကင်တွေ လမ်းလျှောက်တာကို

ထိုင်ကြည့်ပြန်တော့လဲ

ချွေးတလုံးလုံးနဲ့ ပူလွန်းတာကလွဲလို့

ရင့်ကျက်ခြင်းဆီကို မရောက်နိုင်ပြန်ဘူး

တံခါးတွေ အကုန်ပိတ်လိုက်ကြတော့မှ

တလောကလုံးရဲ့ နောက်ဆုံးမှာ

ငါတယောက်ထဲကျန်ခဲ့မှန်း

သိလိုက်ရတယ် ...။

 

စိတ်တွေ နီးလာလိုက် ဝေးသွားလိုက်

မြင့်တက်လိုက် ပြန်နိမ့်ဆင်းသွားလိုက်နဲ့

မျက်ရည်တွေ အန်အန်ချနေရတဲ့ ကောင်မလေးရေ

မင်းကိုယ်စား ရင်ဘတ်တွေပန်းနေပေမဲ့

မင်းရှေ့မှာ ရပ်တည်ပေးနိုင်ဖို့

နောက်ဆုံးက ငါ မစွမ်းနိုင်ခဲ့ဘူး

အဲဒီတော့

ယုံကြည်ချက်ပျောက်သူတို့ ထုံးစံအတိုင်း

ဆုတောင်းပေးရုံရှိတာပေါ့

သာယာပါစေ ပျော်ပါစေပေါ့လေ ...။

သူများတွေ ဘယ်လိုမြင်တယ်မသိပေမဲ့

မိုးတွေညို့လာတိုင်း

အခါခါကြွေကျပေးနေရတဲ့ မိုးစက်လေးတွေကို

လောကဓံကို မလွန်နိုင်ကြသူတွေအဖြစ်

ငါ သနားမိတယ်

ငါကိုယ်တိုင်လဲ မိုးစက်ဘဝနဲ့

အကြိမ်ကြိမ် အသက်ရှင်ခဲ့ရတာပဲလေ

ရှိစေတော့ ထားလိုက်ပါတော့ ပေါ့

ကိုယ့်သမိုင်းကို ကိုယ်တိုင်ရေးကြတယ်ဆိုပေမဲ့

ကိုယ်ပိုင်ရွေးခွင့်မရတဲ့ ဘဝတွေ

သံသရာပြတိုက်ထဲမှာ အပြည့်ပဲဆိုတာ

ရင်ဘတ်တွေနဲ့ရင်းပြီးကြည့်ရင် မြင်နိုင်ကောင်းပါရဲ့

အိုကေ ကောင်မလေးရေ

စိတ်ညစ်စရာတွေ စိတ်ဓာတ်ကျစရာတွေ ကြုံလာတိုင်း

ရေတွက်လို့မရနိုင်တဲ့ ကိုယ့်ထက်ဆိုးတဲ့သူတွေကို သတိရလိုက်ပါ

 

Good Luck ပါ ကလေးရယ်။

 

" ထွက်ပေါက် "

အိပ်မက်တွေ မလွတ်လပ်တဲ့ကြားက

ညတွေချောင်ပိတ်ခံထားရတဲ့ ဘဝတခု

အလင်းရောင်မျှင်မျှင်လေး အဖြစ်နဲ့

ငါ့ဆီရောက်လာတယ်

ပိန်းပိတ်အောင် မှောင်နေတာ မဟုတ်ပေမဲ့

အလင်းလက်ဆုံး ကြယ်တပွင့်လဲ မဟုတ်ခဲ့ဘူး

သံစဉ်တိုင်းက ချိုမြိန်ခွင့်ရှိရင်

မင်းကို အသာယာဆုံးသံစဉ်တပုဒ်အဖြစ်

ငါ

ဖန်တီးပေးလိုက်ချင်ပါတယ် ...။

ချုံးချုံးကျအောင် ခုတ်မောင်းနေတာတောင်

အဲဒီဘဝရထားက ခရီးတွေ မရောက်နိုင်ကြသေးဘူးလေ

ငါ့ဘူတာရုံလေးရေ

အရိုးပြိုင်းပြိုင်း လမ်းဟောင်းလေးတွေနဲ့ပဲ

တသီးတသန့် ဖြစ်တည်ရဖို့

ဘဝက ငါ့ကို တရားစီရင်ပီးသားပဲ ထင်ပါရဲ့

ရောက်တတ်ရာရာ တွေးနေရင်းနဲ့

ရောက်တတ်ရာရာ ခံစားမှုတွေမှာပဲ စီးမျောလိုက်ပါရတာ

တခါတခါ လက်ပန်းကျချင်လာတယ်

ငါ့အတွက်လို့ ကူးခတ်နေမိရင်တောင်

ငါ့ဒုက္ခတွေ မင်းမြင်မိမှာ မဟုတ်ဘူး

ဘယ်လိုပဲဖြစ်ဖြစ်ပေါ့လေ

သံယောဇဉ်တွေ တစ်လှေလုံးပုတ်သိုးသွားကျတဲ့အခါ ဆိုရင်တော့

 

အဲဒီ"တက်"တွေလဲ ရေညှိတလုံးလုံး အဆင့်လောက်ကျန်ခဲ့ကြမှာပါ ...။

" အတွေး "

ကောင်မလေးရေ

နားလည်မှုဆိုတာ

ငါတို့ မကြာမကြာဖျော်သောက်ဖူးတဲ့ ကော်ဖီလိုပဲ

လက်စမတည့်ရင် တခါတခါ သိပ်ခါးတယ်

ဘဝခါးခါးတွေ ဖျော်သောက်မိသူတွေအတွက်ကျတော့

မျက်နှာတွေတောင် မဲ့ကြရသေးတယ် ...

ကဲ ပြောစမ်းပါအုံး

မင်းနားလည်ထားတဲ့ဘဝ မင်းနားလည်ထားတဲ့အချစ်

ငါနဲ့တစ်ထပ်ထဲကျနိုင်ပါ့မလား

နှုတ်ဆက်ဖို့ကြိုတွေးမထားပေမဲ့

တချိန်ချိန်မှာ လမ်းခွဲထွက်ခွါသွားရမယ်ဆိုတာ

မင်းရောငါရော သိနေကြတယ် ...

အခြေအနေတွေကို ဘယ်သူဖန်တီးခဲ့ကြတာလဲ မသေချာပေမဲ့

အတိတ်စိမ်းစိမ်းတွေ ညနက်လွန်းတော့

အိပ်မက်တွေက နာနာကျင်ကျင် အိပ်ရေးပျက်ရတယ်

ငါခက်ခက်ခဲခဲ ကူးခတ်နေရတဲ့ ပစ္စုပ္ပန်တွေကရော

မနက်ဖြန်အတွက် ခရီးဦးကြိုမပြုနိုင်ကြတော့ဘူးတဲ့လား

ရှိစေတော့

လှည့်ကြည့်လို့မှ ရေရေရာရာလင်းမပြနိုင်တဲ့ တဆုပ်စာဘဝက

မင်းဘဝအတွက် ရောင်ခြည်ဦးမဖြစ်နိုင်ဘူးလို့ ယုံကြည်ရင်

ကြုံရာအရပ်မှာပဲ ချွေးသိပ်ခဲ့ပါတော့ ...။

လောကရေ

တိတ်ဆိတ်ငြိမ်သက်တဲ့အရပ်မှာ

လွတ်လပ်ခြင်းအသီးအပွင့်တွေ ဖြစ်ထွန်းကြတယ်ဆိုရင်

ငါ့ဝိညာဉ်နဲ့ခန္ဓာကို အဲဒီအရပ်ဆီသယ်ဆောင်ပေးစမ်းပါကွယ်

ရေလိုက်ငါးလိုက်ဘဝထဲမှာ

သမရိုးကျစီးဆင်းမှုကို ငါခုံမင်နှစ်သက်မိလိုက်လို့ပါ

ကိုငှက်ကြီးသီချင်းလိုဆိုရင်တော့

"ဖြည်းဖြည်းလေးနဲ့ငြိမ့်ငြိမ့်လေး" ပေါ့ ....။

" စိတ္တဇအနာဂတ် "

ငါ

အချစ်ဆိုတာမခံစားတတ်သေးခင်

မိန်းမတယောက်နဲ့ အချိန်တော်တော်ကြာကြာ

နီးနီးနေခဲ့ဘူးတယ်

ငါ

သိပ်ချစ်မိပါတယ်ဆိုတဲ့ မိန်းမတယောက်ကို

အချိန်ခဏအတွင်းမှာပဲ

ချစ်လွန်းလို့ ကျောခိုင်းပစ်လိုက်ရတယ်

ငါ

ငါကိုယ့်ငါပြန်ရှာနေရတဲ့အခုအချိန်မှာလဲ

"ငါ" လို့ထင်ထားတဲ့ လူတယောက်က

"ငါ"  မဟုတ်ပြန်ဘူး

ကောင်မလေးရေ

ဝေးကွာသွားခြင်းမှာ အတိမ်အနက်ရှိတယ်ဆိုရင်

အဲဒီချောက်က ငါ ပြန်မတက်နိုင်လောက်အောင်

နက်ခဲ့ပီလားပဲ

ရွေးချယ်မှုလား သတ်မှတ်မှုလား မသိပေမဲ့

မင်းလမ်းထဲမှာ မင်း "ရဲ" နိုင်ဖို့

မင်းလုပ်သမျှတွေမှန်တယ်လို့ ငါယုံကြည်ပါတယ်

ခွန်အားရှိရှိသာ ပျံသန်းသွားပါ

မင်းနင်းဖြတ်သွားမဲ့ လမ်းတွေမှာ

သတိရခြင်းတွေနဲ့ ယက်လုပ်ထားတဲ့ ငါ့အလွမ်းပန်းတခြင်း

လက်ဖွဲ့လိုက်ပါတယ်

မင်းခြေဖဝါးတွေ မြေမခရပါစေသား ....

အချစ် အနမ်း အလွမ်း အမုန်း

အားလုံးအဆုံးသတ်သွားမဲ့ တနေ့အထိရောက်အောင်သွားဖို့

အနာဂတ်တခုလုံး လေးလံနေရင်တောင်

ငါ့ကိုယ်ငါ ပေါ့ပါးပစ်လိုက်နိုင်ဖို့အတွက်

မင်းအပြုံးတွေနဲ့ ငါ သံစဉ်တပုဒ်ရေးပါအုံးမယ်

မျှော်လင့်ချက်ဆိုတဲ့ မနက်ဖြန်တွေဟာ

ငါ့အတွက် မှေးမှိန်ဝေဝါးနေကြပေမဲ့

မင်း ကြည်လင်ပြတ်သားပစ်လိုက်ပါ

"အဖြေ" ဆိုတာ ပွဲပြီးမှရတာ မဟုတ်မှန်း

ငါ့ရင်ဘတ်နဲ့ကမ္ဗည်းရေးလို့ သိခဲ့ပီးပီပဲ

မင်း ကြည်လင်ပြတ်သားပစ်လိုက်ပါ

အတူရှိချိန်တွေမှာ ကြည်နူးရသလို

အတူမရှိနိုင်တော့ချိန်တွေမှာလဲ မင်းစိတ်နဲ့ ကြည်နူးနိုင်ဖို့

ငါ့ မနက်ဖြန်တွေကို တိုင်ပင်ထားပီးပါပြီ

လုပ်နိုင် မလုပ်နိုင်ဆိုတာတော့ အချိန်ကပြောမှာပါ ကလေးရယ်

နောက်တနေ့လား နောက်တနှစ်လား နောက်တဘဝလား

ဆုံနိုင်ခွင့်ဆိုတဲ့ မှတ်တိုင်ရောက်ရင်တော့

မင်းရောငါရော ရပ်နေလျှက်တွေ့ရမယ်လို့ ငါ ယုံပါတယ်

Good Luck ပါ ချစ်ရယ်

ငါ့အသံတွေမကြားရတဲ့ အရပ်မှာလဲ

မင်းပြုံးပျော်နေနိုင်မယ်လို့ ငါ မျှော်လင့်ပါတယ်

မင်းကိုငါ ... သိပ် ... ချစ် ... တယ် ....။

" ခွဲခွါချိန် "

ချစ်ရေ

ငါ အခုဒီစာရေးနေတဲ့အချိန်ဆိုရင်

ဟိုး ... တိမ်တိုက်တွေကြားမှာ ငါနဲ့ဆန့်ကျင်ဘက် ကမ္ဘာတစ်ခြမ်းဆီကို 

မင်း . ပျံသန်းနေလောက်ရောပေါ့

နှုတ်ဆက်သွားတာမဟုတ်ပေမဲ့ ငါအမုန်းဆုံးခွဲခွါချိန်ပေါ့ 

ဘာပဲဖြစ်ဖြစ် ငါ ပြုံးနေလိုက်ပါတယ် ... ။

 

ယုံကြည်ချက်တွေ မျှော်မှန်းချက်တွေ စီးနင်းသွားရတဲ့ မင်းခရီး 

အစစအရာရာ အဆင်ပြေပါစေ

တနင့်တပိုးမက်ထားရတဲ့ အိပ်မက်တွေလဲ 

မကြာခင် အရောင်တောက်ပါစေကွာ

ငါလဲ 

ဒီအချိန်ကစပြီး ဘဝကို ခံယူချက်တစ်မျိုးနဲ့ လျှောက်လှမ်းပါတော့မယ်

ငါ့ကို သတိရတဲ့အခါ ဖုန်းဆက်ပါ 

မင်းကိုသိပ်လွမ်းလွန်းရင်တော့ မင်းဓာတ်ပုံလေးတွေနဲ့ အလွမ်းဖြေပါတော့မယ်။

ငါတို့နှစ်ယောက် 

အကြိမ်ကြိမ်စကားတွေ ပြောခဲ့သလို အကြိမ်ကြိမ်နားလည်ဖို့ကြိုးစားကြတဲ့

နားမလည်ခြင်းတွေကိုလဲ မင်း ကိုယ့်ကိုယ်ကို ပြန်မေးပါ 

ပြီးရင် ငါ့ကိုပြောပြပါ

ဆုံမှတ်တခုလို့ ငါတို့သတ်မှတ်ထားတဲ့နေရာ ရောက်တဲ့တစ်နေ့ 

မင်းပြောသလို ဆန္ဒတွေသိပ်ပြင်းပြလွန်းလာတဲ့တနေ့ရောက်ရင်

မင်နဲ့ငါ အတူနေခွင့်ရမှာပါ 

ပျော်ပါစေ အချစ်ရယ်

ငါ့ရဲ့အချစ်တွေကြောင့် မင်းငြိမ်းချမ်းပါစေ 

ငါ့ရဲ့သတိရခြင်းတွေကြောင့် အချိန်တွေသာယာပါစေ ...။