ကိုယ့်ကိုယ်ကို ရေလောင်းပေါင်းသင်ခဲ့တာပါပဲ
ဒါပေမဲ့
အဆင်မပြေမှုတွေသာ ကြီးထွားလာကြတယ်
အသိတွေက ပွင့်ဖတ်ဖြစ်မလာကြဘူး ...
ရိတ်သိမ်းသိုလှောင်ခံထားရတဲ့
စိတ်ချမ်းမြေ့မှုတွေလဲ
ဘယ်အချိန်ကျမှ စိမ်းလန်းနိုင်ကြမယ်မသိသေး
အခုအချိန်အထိတော့ ကံကြမ္မာက မီးနီပြနေတုန်းပဲ ...
လောကမှာ
ငါရယ် အခြားသူရယ် ဆိုပြီး
နှစ်ယောက်ထဲ ရှိတာတောင်
ငါနဲ့ငါက
အခုအထိ သဟဇာတ မဖြစ်နိုင်သေးဘူး
လေတယ် ...
No comments:
Post a Comment