........................................................
ကဗျာရေ
အရင်လို ရင်းနှီးပွေ့ဖက်ခွင့်တွေ ဝေးတဲ့အခါ
နင့်ကို တမ်းတမ်းတတလွမ်းတယ်
ငါ့ရင်ထဲက ခံစားချက်တွေ ပုံဖော်သီကုံးဖို့ ဆာလောင်မိတိုင်း
နင့်ကို ငါ ငတ်မွတ်တယ် ကဗျာ .....
.......................................................
ငါ့အတွေးအာရုံထဲကနေ
နင် ပျောက်ကွယ်နေခဲ့တာ ရာသီတပါတ်လည်တော့မယ်နော်
ဘဝထဲက ဘဝတွေကိုရှာရင်း
ရာသီကြို ပန်းပွင့်တို့အတွက် နေပူဆာရှာရင်း
နှစ်သစ်ကို ကျောခိုင်းခဲ့တဲ့
ဟိုအရင် နှစ်ဟောင်းတွေရဲ့ အတိတ်ကို တူးဆွအဖြေရှာရင်း
ငါမသိလိုက်ရတဲ့ ငါ့အကြောင်းတွေကို
ပြန်လှန် ဖတ်ရှုရင်း
ငါလဲ နင်နဲ့ ဝေးနေခဲ့ရတယ် ကဗျာ
..........................................................
ကဗျာရေ
မနက်ဖြန်တွေ အသက်ဝင်တောက်ပဖို့
လွတ်လပ်ခြင်းတို့ အရောင်စုံလှပဖို့
လောကကြီး ရေရှည်တည်တံ့ဖို့
ငါ ပျော်ပျော်ရွှင်ရွှင် အသက်ဆက်ရှင်ဖို့
ငါ့အနားမှာ နင်ရှိနေပေးပါ ကဗျာ ...။
No comments:
Post a Comment