တကယ်တမ်း
ဘဝဆိုတာ အပြီးမသတ်နိုင်သေးတဲ့ ကဗျာဆိုပါစို့
သံသရာမှာ ဆက်ဖတ်ကြဖို့
ငါတို့တွေ ကဗျာတပုဒ်လုံး ကြိုးစားနေရတာ
ဆံဖြူသွားကျိုးပြီးတဲ့ နောက်ဆုံးအချိန်အထိပေါ့
သံယောဇဉ်တွေ မွေးဖွားကြ
ခံစားချက်တွေ လတ်ဆတ်လိုက် ပုတ်သိုးလိုက်ကြ နဲ့
ငါ့ တတောလုံး ညိုမှိုင်းအုံ့ဆိုင်းလို့
ငါက
နင် မမြင်နိုင်တဲ့ အရပ်မှာ မီးလောင်ပြာကျရသူပါ ....
ခွန်အားဆိုတာ
ကိုယ့်ကိုယ်ကို ပြန်ကြည့်ရင်း သောက်သုံးကြရတဲ့ ညနေရာင်တခွက်
ပျော်ရွှင်မှုဆိုတာ
ရောင်းအားကျလာတဲ့ မနက်စောစော လေညှင်းတစ်ထုပ် ပေါ့..
ဘာပဲပြောပြောလေ
သံသရာတစ်အုပ်လုံးပေါ်မှာ ငါ့ကဗျာတစ်ပုဒ်လုံး လှလှပပပြီးဆုံးနေဖို့
ငါ့ကောင်းကင်နဲ့ငါပဲ ဆက်ပြီးလင်းလိုက်အုံးမယ်
စိတ်ဓာတ်ကျဖို့တော့ ယောက်လို့တောင် မတွေးမိသေးဘူး ... ။
.....
No comments:
Post a Comment