ရောက်တတ်ရာရာ (၃)

ငါ 

အတိတ်နဲ့ ပစ္စုပ္ပန်တွေကြားမှာ လှော်ခတ်ရင်း
လက်ရှိဘ၀မှာ
ကိုယ့်အမည်ကိုယ် မဖော်နိုင်ခဲ့သူ ......

ငါ
ကိုယ့်လမ်းပေါ်မှာ
ကိုယ့်ရင်ဘတ်ကို ချနင်းရင်း
အသွေးအသားတွေက လှောင်ပြောခြင်းခံရသူ ....

ငါ
ရုပ်နာမ် နှစ်ပါးအကြားမှာ ကကြိုးသွယ်ခဲ့သူ ....

ငါ
ကိုယ့်ကိုယ်ကို ကြည့်နေသလောက်
ကိုယ့်ကိုယ်ကို မမြင်ရတဲ့သူ .....။

### တမာမြေတမ်းခြင်း ###

စူးရှရှ တမာဖူးရနံ့တွေနဲ့
အညာမြေရဲ့ အပွေ့အဖက်က အရင်လိုပါပဲ မယ်တင်
ငါသာ ဘဝတွေခါးလွန်းလို့
အဲဒီတမာပန်းတွေကွယ်ရာမှာ
ငါ့ကိုယ်ငါ
အကြိမ်ကြိမ် ချိုမြပြခဲ့ရတာ ....

တမာသူရေ
ပါးကွက်ကျားပါးပါးလေးနဲ့
ဘဝကို မထီမဲ့မြင်ပြုံးတတ်တဲ့ နင်လဲ
ထန်းတောထဲက အဖေ့ပြန်ချိန်ကို
အရင်လို စောင့်နေတတ်တုံးပဲမလား ..

"ဘဝက တမာတွေနဲ့အပြိုင်များခါးကြသလားဟာ" ဆိုတဲ့ နင့်အမေး
အရင်တခါလိုပဲ ငါ ဖြေပါရစေ မယ်တင်
" တကယ်တော့ တမားတွေက မခါးကြပါဘူး
အချိုလွန်နေရုံလောက်ကလေးပါပဲ
အဲလိုပေါ့ဟာ ငါတို့လဲ အချိုလွန်ဘဝတွေပေါ့ .."

ငါတို့ဘဝတွေကို လှည်းဝင်ရိုးအဖြစ်နဲ့ ရုန်းနေကြရတဲ့အခါ
သစ်ပွသားနဲ့ယက်လုပ်ထားတဲ့ လှည်းကတော့
မြန်မြန်ကျိုးလွယ်တာပေါ့လေ ..

ကိုယ့်အနာနဲ့ကိုယ်မို့
တမာအိပ်မက်တွေကို ကျောခိုင်းထွက်ခဲ့ရပေမဲ့
တခါတခါတော့လဲ အညာမြေကို
သိပ်လွမ်းတယ် မယ်တင်ရယ် ...။

****** ကဗျာလိုက်ပွဲ *****

ကဗျာလိုက်တမ်းကစားတဲ့နေ့က
ပြေးရင်းလွှားရင်း
ခံစားချက်တွေ ကျကျကွဲတယ်
ကဗျာကို "ကဗျာ" လို့ခေါ်တော့
ငါနားမလည်တဲ့ဘာသာစကားနဲ့ပြန်ကြည့်တာ
ညအရောင်ထွက်တဲ့ စမ်းချောင်းလို
အကြည့်တွေ ကြည် ............. လဲ့ ..

လအသေတွေမျာပါလာတဲ့ အဲဒီစမ်းချောင်းလေးကို
ငါက ငေးတယ်
ကဗျာကတော့
စမ်းချောင်းရင်ကွဲသံတွေ ဆယ်ယူပွေ့ဖက်ရင်း
ဒဏ်ရာတွေအန်ချနေရတာ
နီးသွားလိုက် .......... ဝေးသွားလိုက်

ငါ့ညထဲမှာ ကောင်းကောင်းမသာနိုင်ခဲ့တဲ့
တခါတုန်းက လရိပ်ကလေးလဲ
ဝေဒနာတွေ
နာလာလိုက် ............... ချိုလာလိုက်

အဲဒီညက
ငါ့ရင်ဘတ်ပေါ်မှာ ငါကိုယ်တိုင်
ကဗျာတွေမျှားဖြစ်ခဲ့တယ် .......။

*********** အရက်သောက်ခြင်း *************

အတိတ်တွေမေ့တဲ့ည
စိတ်တွေအိပ်တဲ့ည
ရီဝေဝေ အကြည့်တွေနဲ့
ကဗျာက ငါ့ကို ရေးသွားတယ် ....

မီးတောက်တွေကြားထဲ
အဖြူရောင်ပိုက်တစင်း ထိုးဆင်းလို့
စူးရှရှ bamboo light နဲ့
ငါ့ရဲ့ ညမူးခန်းကိုဖွင့်
ငါ အသင့်အတင့်တော့ ကျေနပ်မိသား ..

တစ်ခုံဝင် တစ်ခုံထွက်နဲ့
ငါရယ်
ငါ့အပေါင်းအဖော်များရယ်
အဖြူရောင် ဖန်ခွက်လေးတွေရယ်
မကြားတကြားစကားဖောင်ဖွဲ့သံတွေရယ် ကလွဲရင်
အပြေးအလွှားမီးတွေပိတ် တလောကလုံး အိပ်ကြပြီ ..

လူတွေရွေ့လျားသွားကြ
အချိန်တွေ ရွေ့လျားသွားကြ
ဟိုးအရှေဲအရပ်ဆီမှာလဲ
ရောင်နီပျိုးလို့ နေမင်းလဲနိုးပြီးတဲ့
နောက်ဆုံးမှတ်မိတဲ့
Tequila ပွေ့ဖက်ခြင်းနဲ့
အဲဒီညက ဘုံးဘုံးလဲ အိပ်ပျက်ခဲ့တယ် ...။

**** စိတ်ဆိုင် (သို့) ကြယ်မပျိုးတတ်သူ ***

ဟိုဘက်လမ်းထိပ်က သီချင်းဆိုင်မှာ
သီချင်းက
ညဥ့်ငှက်တွေကို ပြန်ပြီးဆိုတယ်

ပင်လယ်ပျော်တွေက
စိတ်လိုလက်ရ လက်ခုပ်တီးတယ်

စားပွဲဝိုင်းကြီးကြီးမားမာတွေက
ခပ်သေးသေးဖန်းခွက်တွေထဲမှာ
အချိုးကျကျ စီးမျောကခုန်

ဖြတ်ကနဲ သူတို့အကြည့်တွေမှာ
အိပ်မက်တွေ သိပ်ကို ပါးပါးလွှလွှ

ကျနော်ဟာ
ကောင်းကင်သာရှိပြီး
ကြယ်စုံမပျိုးတတ်ခဲ့သူပါ ...။

ညကြောင့်မီးတွေလင်းကြတာလား
မီးကြောင့် ညတွေလင်းရတာလား
သေချာတာတော့
သူတို့ရဲ့ မနက်စောစောတွေအကုန်လုံး
ညထဲ တရွေ့ရွေ့တိုးဝင်ပျောက်ကွယ်
ကျနော်တို့လမ်းလေးမှာ
ရင်ခုန်သံတွေ တပွေ့တပိုက်နဲ့

ကျနော်ဟာ
ကောင်းကင်သာရှိပြီး
ကြယ်စုံမပျိုးတတ်ခဲ့သူပါ ...။

စိတ်တွေရင်းလို့ စိတ်တွေလျော်ပေးကြတာတဲ့
ကျနော့်စိတ်နဲ့ ရွက်လွှင့်သွားတဲ့ပင်လယ်
အခုအချိန်အထိ ကမ်းပြန်မကပ်နိုင်သေးတာ
ကျနော်ကိုယ်တိုင်
အလျော်အစားမှားခဲ့တာလား

အဲလိုနဲ့ပဲ

ကျနော်ဟာ
ကောင်းကင်သာရှိပြီး
ကြယ်စုံမပျိုးတတ်ခဲ့သူပါ ...။

************* ရာသီလွဲကံကြမ္မာ ***********

စေးပျစ်ပျစ် လွဲချော်မှုတွေက
ရင်ဘတ်ကိုဖြတ်ပြီး
တစ်ဘဝလုံးခြုံလို့ စီးတယ်
တစ်ခါတစ်ခါ ချိုသလိုလို
တစ်ခါတစ်ခါ ခါးသယောင်ယောင်
ဘဝက
ရာသီမညီတဲ့ ပန်းတစ်ပွင့်လိုပါပဲ

အိပ်ယာထမှ အိပ်မက်မက်ဖို့ ကြိုးစားကြသူတွေ
ဘဝကို ဘဝနဲ့မျှားကြသူတွေ
အချင်းချင်းတိုးရင်း ကြိတ်ရင်း
ကျနော်နေတဲ့ မြို့လေးလဲ
တဖြည်းဖြည်း အသက်တွေကြီးလာပြီ အမေ

သူများတွေချရောင်းတဲ့ အယောင်ဆောင်မှုတွေကြားမှာ
ကျနော့စကားလုံးတွေလဲ မျက်နှာများတတ်ခဲ့ရပြီ
အဲလိုနဲ့ပဲ
သဘာဝအလိုက်ရှင်သန်ရှင်း
ကျနော် ကြီးရာက ငယ်လာခဲ့ရတယ် အမေ

စိတ်နဲ့စားသုံးတာတောင်
ဘဝက ခဏခဏ အဆိပ်သင့်နေရတာ
ကျနော့ကို ကံကြမ္မာနဲ့မတည့်တဲ့အရပ်မှာများမွေးခဲ့မိသလား အမေ ...။

+++ ကိုယ်ပိုင်အလွဲ +++

ကိုယ့်ကိုယ်ကို ရေလောင်းပေါင်းသင်ခဲ့တာပါပဲ
ဒါပေမဲ့
အဆင်မပြေမှုတွေသာ ကြီးထွားလာကြတယ်
အသိတွေက ပွင့်ဖတ်ဖြစ်မလာကြဘူး ...

ရိတ်သိမ်းသိုလှောင်ခံထားရတဲ့
စိတ်ချမ်းမြေ့မှုတွေလဲ
ဘယ်အချိန်ကျမှ စိမ်းလန်းနိုင်ကြမယ်မသိသေး
အခုအချိန်အထိတော့ ကံကြမ္မာက မီးနီပြနေတုန်းပဲ ...

လောကမှာ
ငါရယ် အခြားသူရယ် ဆိုပြီး
နှစ်ယောက်ထဲ ရှိတာတောင်
ငါနဲ့ငါက
အခုအထိ သဟဇာတ မဖြစ်နိုင်သေးဘူး
လေတယ် ...

ရောက်တတ်ရာရာ (၂)

ဘ၀တွေ အခိုးအငွေ့အဖြစ်နဲ့
ပျောက်ကွယ်သွားကြရင် ကောင်းမယ်
တခါတခါ လောကက
ငါ့အတွက်မှ ရွေးပြီး မှောင်နေသလိုပဲ
ကြည့်လေ ကြည့်လေ
လမ်းတွေမမြင်ရတော့လေ
ကြိုးစားပမ်းစား ရှိုက်သွင်းမိတဲ့ အသက်ရှူခြင်းတွေတောင်
အပုတ်အသိုးအဖြစ်နဲ့
ဘ၀ကို လည်ပတ်စေတယ်
စိတ်ကုန်တယ် ....။

*** ကိုယ်ပိုင်ကမ္ဘာ ***

ထမ်းထားရတာ လေးလွန်းလာလို့
ပခုံးထက်ကအထုပ်ကို ဖြည်ကြည့်တော့
အတိတ်က တင်ထားခဲ့တဲ့ သမိုင်းကြွေးတွေ ....

စိတ်လွတ်ကိုယ်လွတ် လောကကို ငေးကြည့်နေတုန်း
ကဗျာတွေ ပျံတက်သွားလိုက်
ပြိုဆင်းကျလာလိုက်နဲ့
အစုလိုက်အပြုံလိုက် ခံစားနေကြတဲ့ ဒီကောင်းကင်ထဲမှာ
ကျနော်ကတော့ ကိုယ့်ကိုယ်ကို ရေးခြစ်ပြဖို့
ဘာသာစကားတခုကို ရှာဖွေနေရတုန်း ....

အရောင်အသွေး ... တဲ့
အသွင်အပြင် ........ တဲ့
ဂုဏ်ပကာသန ...... တဲ့
ဆေးရောင်စုံတွေ ရက်ရက်စက်စက်လှတဲ့
ဒီဘက်ခေတ်လောကမှာ
ကျနော်ဟာ
ဇနပုဒ်က ပါးကွက်ကျား တကွက်ပါ .....

ကျနော့်မှာ ကျေးငှက်တွေ နားလည်တဲ့
သင်္ခါရတွေ ရှိတယ်
ကျနော့်မှာ မြူနှင်းတွေ မမြင်လိုက်ရတဲ့
ဖြူစင်ခြင်းတွေ ရှိတယ်
ကျနော့မှာ ခင်ဗျားတို့တယောက်မှ မသိတဲ့
ကိုယ်ပိုင် အိပ်မက်တွေရှိတယ်
ကျနော့စိတ်ကူးသံစဉ်တွေနဲ့ ဖွဲ့တည်ထားတဲ့
ကျနော့ကမ္ဘာဟာ
ခင်ဗျားတို့ မမြင်ဖူးလောက်ကို လှတယ်ဆိုရင်
ခင်ဗျားတို့ ငြင်းရဲလား .....။

ရောက်တတ်ရာရာ (၁)

အတွေးတွေ သပ်သပ်ရပ်ရပ်ပါပဲ
ဒါပေမဲ့
အိပ်မက်တွေသာ ကစဥ့်ကလျား ဖြစ်ခဲ့ရတာ
အစီအစဉ်တကျရေးဆွဲထားတာတောင်
မနက်ခင်းတွေက အစုလိုက်အပုံလိုက်
လွဲမှားကြသေးတယ်
ဘာပဲဖြစ်ဖြစ်လေ
ငါ့ကိုယ်ငါ ပြန်မြင်တဲ့တနေ့
လောကကလဲ ငါ့ကို မြင်ပါလိမ့်မယ်
အေးဆေးပေါ့ .....။