ရောက်တတ်ရာရာ (၁)

အတွေးတွေ သပ်သပ်ရပ်ရပ်ပါပဲ
ဒါပေမဲ့
အိပ်မက်တွေသာ ကစဥ့်ကလျား ဖြစ်ခဲ့ရတာ
အစီအစဉ်တကျရေးဆွဲထားတာတောင်
မနက်ခင်းတွေက အစုလိုက်အပုံလိုက်
လွဲမှားကြသေးတယ်
ဘာပဲဖြစ်ဖြစ်လေ
ငါ့ကိုယ်ငါ ပြန်မြင်တဲ့တနေ့
လောကကလဲ ငါ့ကို မြင်ပါလိမ့်မယ်
အေးဆေးပေါ့ .....။

သဲညှာ

သတိရမိတယ် သဲညှာ
ရင်ခွင်အဟောင်းနဲ့
ရင်ခုန်သံ အပုတ်အသိုးတွေနဲ့
မပီမသ တွေ့ဆုံမှုတွေနဲ့
ဟိုတချိန်တုန်းက မင်းကို
ခပ်ဝေးဝေးကနေ ငါ တခါတခါ သတိရနေမိသေးတယ် သဲညှာရေ .....။

*** April တမ်းခြင်း ***

အေပရယ်ရေ
အရင်တုန်းကတော့
အဝါရောင်ကိုယ်သင်းရနံ့တွေနဲ့
ငါ့ရင်ကို ရွှဲရွှဲနစ်အောင် ငါ ချစ်ခဲ့ဖူးပါတယ်
ရစ်မူးခြင်း ပျော်ရွှင်ခြင်း ကျေနပ်ခြင်းတွေနဲ့
ငါ့ကို စိုးမိုးလွန်းသူက မင်းပဲပေါ့ ...

ခုတော့
တဖြည်းဖြည်းနဲ့ အရောင်တွေမှိန်လို့
မင်းလဲ
တစ်နှစ်ထက်တစ်နှစ် ရနံ့တွေ နွမ်းနွမ်းလာတယ်
အရင်တုန်းက ငါ ရင်ခုန်ခဲ့ဖူးတဲ့ မင်းအလှတွေက
ရစ်မူးဖောက်ပြန်တတ်တဲ့ ငါတို့ရဲ့ အခြားတဖက်ကမ္ဘာအသွင် ဆောင်လာတယ်
ဝမ်းသာရမလား ဝမ်းနည်းရမလား မသေချာပေမဲ့
သေချာတာတခုက ငါ့ရင်နဲ့ မင်းနဲ့ တဖြည်းဖြည်းဝေးခဲ့တယ် အေပရယ် ...

အရင်လို ကြည်နူးဆွတ်ပျံ့ဖွယ်နေပေးပါ အေပရယ်
အရင်လို သာယာငြိမ့်ညောင်းဖွယ်တေးသံတွေနဲ့ ငါ့ရင်ကို အေးမြစေပါ အေပရယ်
အရင်လို သပ်သပ်ရပ်ရပ် ရွှဲနစ်ခြင်းတွေနဲ့ ငါ ခိုက်ခိုက်တုန်ချင်နေသေးတယ် အေပရယ်

ဒါပေမဲ့ကွယ် .........

ဒီတနှစ်လဲ မင်းနဲ့ရင်မဆိုင်ချင်သေးလို့
ငါ အခန်းတံခါးပိတ် အိပ်တော့မယ်
Good Bye April ........

### ညဥ့်နက်သီချင်း ###

အထီးကျန်ခြင်းတွေ အန်အန်ချနေတဲ့ အဲဒီညနေခင်း
ငါ့အခန်းထဲကကို မထွက်နိုင်သေးဘူး
သွားစေချင်ပြီ .. မမြင်ချင်တော့ဘူး
အသဲကွဲတယ်ဆိုတာ ငါနဲ့ ဖူးစာပါပီးသား နတ်သမီးထင်ပါ့
ဘဝတဆစ်ချိုးတိုင်း .. ကိုယ်ထင်ပြတယ် ...။

မင်းအတွက်တော့ ကလူကျီစယ်ခြင်းဆိုပေမဲ့
ငါ့အတွက်က ရင်တခြမ်းလုံးပုတ်သိုးစေတဲ့ အဆိပ်မြားပါ
အချစ်ဆိုတာ
လိမ်ညာပြီးကစားကြတဲ့ ကစားပွဲမှမဟုတ်ပဲ
ရင်ဘတ်တွေထိုးကျွေးပြီး ခံစားချက်တွေ ကိုယ်စီစားသုံးကြရတာ
ကစားပွဲတခုထက် ပိုရင်းနှီးရတယ် ...။

မင်းနဲ့ဝေးရရင် ငါ သေနိုင်တယ်လို့ မဆိုလိုပါဘူး
ဒါပေမဲ့
မင်းကိုပေးလိုက်တဲ့ ခံစားချက်စစ်စစ်တွေက နောက်ထပ်အတုမရှိနိုင်တော့လို့
သေမယ်ဆို သေလို့ရတယ် ..
မင်းရဲ့ချစ်ခြင်းနဲ့ ငါ့ကမ္ဘာကိုလင်းစေခဲ့တာ
အခုတော့ လတွေမိုက်ကုန်ကြပြီ
အိပ်မက်ထဲမှာ အိပ်မက်ကို ပြန်ရှာရင်း ညက နက်သထက်နက်နက် လာနေတယ် ...။

ရှိစေတော့
တစ်ကြိုးထဲတီးလို့ သံစဉ်မစုံနိုင်ဘူးဆိုပေမဲ့
ငါ့လွမ်းခြင်းနဲ့ ငါ့ကိုယ်ငါ ချော့သိပ်တော့မယ်
မင်းလဲ အိပ်ပျော်ပါစေ ...။

" ရင်ခွင်ရိပ် (သို့) အိမွန်အတွက်နောက်ဆုံးစာ"

အိပ်မက်တွေ လက်ကျန်အဖြစ်နဲ့ ဆက်မက်မိတာ
ငါသွေးရူးသွေးတန်း ဖြစ်နေလို့လား
နောက်ဆုံး မျှော်လင့်ချက်ကလေးနဲ့
အသက်ရှူမိပါတယ်
အဲဒီနေ့က တလောကလုံး လေမတိုက်ဘူး
ငါ့ရဲ့ခပ်ယဲ့ယဲ့မျှော်လင့်သံထက် မင်းရယ်သံတွေက ပိုကျယ်လွန်းခဲ့တယ် ..။

 

ငါ့အတွက် ခံစားမှုတွေ စိုးစင်းမျှမကျန်တော့တာလား
ဘဝကို အသိနဲ့ လှည့်စားလိုက်တာလား
ဘယ်လိုပဲပြောပြော
မင်း သိပ်ပီပြင်လွန်းပါတယ်
ငါသာ မင်းလောက်မရင့်ကျက်သေးတော့
ရင်ခွင်ပိတ်ပြီး အသံတိတ် ငိုခဲ့ရတာ .. နာမှန်းတောင် မသိလိုက်ဘူး ...။

 

အိုကေပါ ချစ်သူ
ငါကတော့ မင်းရောက်လာခဲ့ရင်ဆိုတဲ့ ခံစားမှုလေးနဲ့ပဲ
ငါ့နေ့တွေကို မင်းအတွက် ရှင်သန်အုံးမယ်
မင်း ညီးငွေ့ပူလောင်တဲ့အခါ
ငါ့ရင်ခွင်ရိပ်ကို သတိရပါ ...။

" ဝေးကွာခြင်းရဲ့အဝေး "

အလွမ်းရောင်ကြားထဲမှာ

နီယွန်မီးတွေ ပြပြလင်းတယ်

မကြားချင်လောက်အောင် နားငြီးတာက

သတိရခြင်းအသံတွေ  တဲ့ ...

အလုပ်တွေကြားထဲမှာ မေ့တယ်

အိပ်မက်ထဲအထိ မုန်းပစ်လိုက်တယ်

ဒါပေမဲ့

အသက်ရှူသံတိုင်းမှာ ကပ်ငြိနေတာက

မင်းအရိပ်တွေဖြစ်နေတာ 

စိတ်ကုန်ချင်စရာပဲ ...

နမ်းခဲ့ဖူးတဲ့ နှုတ်ခမ်းတစ်စုံ 

မှေးစက်ခဲ့ဖူးတဲ့ ရင်ခွင်

တစ်ခါတစ်ခါ

ငါ့ရင်ကို သေလောက်အောက် နှိပ်စက်လွန်းတယ်ကွယ် ...

သံယောဇဉ်တွေ ဖြတ်ခဲ့ကြပေမဲ့

လက်ကျန်ရင်းနှီးမှုတွေက

တစ်ယောက်တစ်လမ်းဆီ လျှောက်နေကြတာတောင်

တဖဝါးမကွာ လိုက်နေကြတုန်း ...

" မောင် .. ဘာလုပ်နေလဲ .. အဆင်ပြေလား " တဲ့ 

" အိပ်တော့နော် .. ကျန်းမာရေးလဲ ဂရုစိုက် " ဆိုတော့  

" ဖက်ထားပါလား " တဲ့ 

" အိုကေပါကွာ " လို့ပြောပြီး အဆုံးမှာတော့

" တူ ... တူ ... တူ ... " အသံနဲ့အတူ

ဝေးကွာခြင်းတွေထဲမှာပဲ 

ဒီတစ်ည ထပ်ဝေးလိုက်ကြတယ် ....။

" ညဥ့်နက်သီချင်း "

အထီးကျန်ခြင်းတွေ အန်အန်ချနေတဲ့ အဲဒီညနေခင်း
ငါ့အခန်းထဲကကို မထွက်နိုင်သေးဘူး
သွားစေချင်ပြီ  .. မမြင်ချင်တော့ဘူး
အသဲကွဲတယ်ဆိုတာ ငါနဲ့ ဖူးစာပါပီးသား နတ်သမီးထင်ပါ့
ဘဝတဆစ်ချိုးတိုင်း .. ကိုယ်ထင်ပြတယ် ...။

 

မင်းအတွက်တော့ ကလူကျီစယ်ခြင်းဆိုပေမဲ့
ငါ့အတွက်က ရင်တခြမ်းလုံးပုတ်သိုးစေတဲ့ အဆိပ်မြားပါ
အချစ်ဆိုတာ
လိမ်ညာပြီးကစားကြတဲ့ ဘောလုံးပွဲမှမဟုတ်ပဲ
ရင်ဘတ်တွေချခင်းပြီး ခံစားချက်တွေ ကိုယ်စီဖူးပွင့်ကြရတာ
ကစားပွဲတခုထက် ပိုရင်းနှီးရတယ် ...။
 

မင်းနဲ့ဝေးရရင် ငါ သေနိုင်တယ်လို့ မဆိုလိုပါဘူး
ဒါပေမဲ့
မင်းကိုပေးလိုက်တဲ့ ခံစားချက်စစ်စစ်တွေက နောက်ထပ်အတုမရှိနိုင်တော့လို့
သေမယ်ဆို သေလို့ရတယ် ...။
 

မင်းရဲ့ချစ်ခြင်းနဲ့ ငါ့ကမ္ဘာကိုလင်းစေခဲ့တာ
အခုတော့ လတွေမိုက်ကုန်ကြပြီ
အိပ်မက်ထဲမှာ အိပ်မက်ကို ပြန်ရှာရင်း ညက နက်သထက်နက်နက် လာနေတယ်
ရှိစေတော့
တစ်ကြိုးထဲတီးလို့ သံစဉ်မဆုံနိုင်ဘူးဆိုပေမဲ့
ငါ့လွမ်းခြင်းနဲ့ ငါ့ကိုယ်ငါ ချော့သိပ်တော့မယ်
မင်းလဲ အိပ်ပျော်ပါစေ ...။ 

" အိမွန်အတွက် (၃) "

အသဲကွဲကဗျာတွေ ငါမရေးတော့ဘူး

တမ်းတခြင်းသီချင်းတွေလဲ မညည်းတော့ဘူး

ငါ့ရင်ထဲမှာပဲ

မင်းကို ထာဝရမြှုပ်နှံသဂြိုလ်လိုက်တော့မယ်

သိပ်လွမ်းလွန်းလာတဲ့အခါ

ဘယ်သူမှ မမြင်အောင် ထုတ်ထုတ်ကြည့်ရင်း

ဒို့တွေ ဖြည်းဖြည်းလေး ဝေးကြရအောင် ...။

အပျင်းပြေ

အစပိုင်းမှာပေါ့
မင်းလိုအပ်တဲ့အချိန် ကပြဖို့
ငါ့ဘဝကို အရုပ်ဖြစ်စေခဲ့တယ်
အဲဒါကိုပဲ မင်းကိုချစ်တဲ့ အချစ်လို့ ငါထင်ထားခဲ့တယ်
တကယ်တမ်းစဉ်းစားကြည့်ပြန်တော့
အဲဒါ အချစ်မဟုတ်သေးဘူး
မင်းလဲ ငါ့ကို ချစ်တယ် လို့ ပြောပေမဲ့
တကယ်ချစ်တာမဟုတ်သေးပါဘူး
မင်းအတွက် အပျင်းပြေ ပါ

တဖြည်းဖြည်းနဲ့ မင်းကို ငါ တကယ်ချစ်လာတဲ့အချိန်
အချစ်ဆိုတာ ကို ငါ နားလည်လာတယ်
အချစ်ဆိုတာ တကယ်တော့ "ရလိုမှု"
ဟုတ်တယ် အချစ်ဆိုတာ လိုချင်မှု သက်သက်ပါပဲ
သူနဲ့ပတ်သက်လာရင် အရာရာလိုချင်တယ်
သူ့ရဲ့ ဂရုစိုက်မှု ၊ အလေးထားမှု၊ စသည်စသည်ဖြင့် အရာအရာတိုင်းက ကိုယ်ပဲဖြစ်ချင်လာတယ်
အဲဒါအချစ်ပဲ

 

အဲဒီတော့
စတွေ့တုန်းခါစ အစပိုင်းတုန်းကလိုပဲ
မင်းအပေါ်မှာအဆင်ပြေသလောက် ဖြည့်စည်းပေးခြင်းမျိုးနဲ့ နေတတ်ဖို့ကို ငါ ဦးတည်ရတော့မယ်
အဲဒါမှ မင်းရဲ့အပျင်းပြေအဆင့်နဲ့ ညီလိမ့်မယ်
ဒါမှသာ ငါရော မင်းရော အဆင်ပြေကြမယ်ထင်တယ်

အိုကေ အချစ်ရေ
ငါတို့ရဲ့ အစဦးပိုင်းကိုပဲ ပြန်သွားကြပါစို့ ..။

သူမနှင့်ကျွန်တော်

နှင်းရည်လွှမ်းသော မနက်ဖြန်ထဲတွင် ကျွန်တော့ဝိညာဉ်တို့ ရိုးရိုးသားသားလူးလွန့်နေပါလိမ့်အုံးမည်။
 မသိနားမလည်ခြင်းတွေ ထုံမွှန်းသော ကျွန်တော့အတိတ်သည် ဒီမနက်ပစ္စုပ္ပန်ထဲအထိ ထုံအလို့ကောင်းနေဆဲဖြစ်ပါသည်။ ကျွန်တော့ကိုယ်ကျွန်တော်မသိပါ။ သင်တို့လဲကျွန်တော့ကိုသိလိမ့်မည် မဟုတ်ပါ။အဘယ့်ကြောင့်ဆိုသော် ကျွန်တော်သည် တကယ်မရှိသောကြောင့် ဖြစ်ပါသည်။

ကိုယ့်ကိုယ်ကို မသိသော ကျွန်တော်သည်အိပ်မက်တွေ မက်ခဲ့ဖူးပါသည်။
ထိုအပ်မက်ထဲတွင် သူမပါသည်။ သူမရဲ့ အနမ်းချိုချိုတို့ပါသည်။ ကျွန်တော့်ရဲ့ စိတ်ကူးယဉ်အတွေးတို့လဲ ပါပါသည်။ အရောင်အသွေးမတူသော မြစ်တစ်စင်းထဲတွင် သူမနဲ့ ကျွန်တော်ကူးခတ်ပျော်ပါးခဲ့ကြပါသည်။ သူမကျွန်တော့ကို မမြင်ပါ။ သူမကိုလဲ မြင်သလိုလိုနဲ့ ကျွန်တော်မမြင်ခဲ့ပါ။ ထို့ကြောင့် တဖက်ကမ်းသို့ သူမကူးခတ်သွားခဲ့ပါသည်။

ကျွန်တော့်အတွေးတို့၌ အချိန်တိုင်းစိုးမိုးခဲ့ဖူးသော သူမသည် မနေ့က သေဆုံးသွားခဲ့ပါပြီ။ သူမရဲ့ဈာပနပွဲတွင် အသဲပန်းတို့ ဖွေးဖွေးဖြူ၏။ ကြယ်ကပွဲတွေ ပြိုင်တူသီဆို တီးမှုတ်ကြ၏။ လိပ်ပြာတမ်းချင်းတွေ ခြိမ့်ခြိမ့်သဲ ကျင်းပကြ၏။ ကျွန်တော် လိုက်မပို့ဖြစ်ပါ။ သို့သော် ကျွန်တော်ရပ်ကြည့်နေခဲ့ပါသည်။ ကျွန်တော်မရှိသောဘဝထဲတွင် သူမ နှစ်ခြိုက်စွာအိပ်မောကျနေတတ်ပါပြီ။ သူမအတွက် ကျွန်တော်မလိုအပ်ပါ။ ထို့အတူ သူမ မပါသောအိပ်မက်တွေလဲ ကျွန်တော် မက်တတ်ပါပြီ။ ကျွန်တော့်ရှေ့တွင် မြစ်တွေ တသွင်သွင်စီးဆင်းနေကြသည်။ ပင်လယ်တွေ လှိုင်းချက်ညီလာကြသည်။  သူမပေးခဲ့ဖူးသော ရင်ခုန်သံတို့ တဖြည်းဖြည်း ခြောက်သွေ့ညှိုးနွမ်းလာကြပါမည်။ ကျွန်တော် ရေမလောင်းပေါင်းမသင်တော့ပါ။ ကျွန်တော့်ကိုကျွန်တော်သိဖို့ ကျွန်တော်ရှိရာအရပ်သို့ သွားပါတော့မည်။ ကျွန်တော်အိပ်မက်မမက်တော့ပါ။


နှင်းရည်လွှမ်းသော မနက်ဖြန်ထဲတွင်
ကျွန်တော့ဝိညာဉ်တို့ ရိုးရိုးသားသားလူးလွန့်နေပါလိမ့်အုံးမည်။

သစ်ရွက်လင်း